27-р бүлэг

Корихор

Корихор гэдэг нэгэн эр Зарахемлад ирэв. Тэр Есүс Христэд итгэдэггүй байсан бөгөөд бошиглогчдын хэлсэн Аврагчийн тухай үгийг худлаа гэж номлодог байжээ.

Алма 30:6, 12–14

Есүс дэлхий дээр ирж, тэдний нүглийн төлөө зовж шанална гэдэгт итгэсэн хүмүүсийг тэнэг мунхаг гэж Корихор хэлж байв.

Алма 30:16

Үхлийн дараах амьдрал гэж байхгүй учраас хүмүүс нүглийнхээ төлөө шийтгүүлэхгүй гэж тэр хэлж байсан. Олон хүн Корихорт итгэж, ёс бус болжээ.

Aлмa 30:17–18

Корихор Аммоны хүмүүст номлохыг оролдсон боловч тэд сонссонгүй. Тэд түүнийг хүлээд, Аммонд хүргэхэд Аммон түүнийг хотоос хүчээр хөөн гаргав.

Aлмa 30:19–21

Корихор Гидеоны газар нутагт ирсэн боловч тэнд байсан хүмүүс түүний үгийг бас л сонссонгүй. Ерөнхий шүүгч түүнийг Алма руу илгээв.

Алма 30:21, 29

Алма Корихороос Бурханд итгэдэг эсэхийг асуув. Корихор үгүй гэж хариулав. Алма Бурхан байдаг бөгөөд Христ ирнэ гэж гэрчилсэн.

Aлмa 30:37–39

Корихор Алмагаас Бурхан байдгийг батлахын тулд гайхамшгийг үзүүлэхийг хүсэв. Хэрэв Бурханы хүч чадлыг илтгэсэн тэмдэг үзүүлбэл Бурханд итгэнэ гэж Корихор хэлжээ.

Алма 30:43

Судруудаар мөн бүх бошиглогчийн гэрчлэлээр дамжуулан Бурханы хүч чадлыг илтгэсэн олон тэмдгийг аль хэдийн үзсэнийг нь Алма Корихорт хэлэв.

Алма 30:44

Алма газар дэлхий, түүн дээр байгаа бүх зүйл мөн огторгуйд байгаа од гаригсын хөдөлгөөн, энэ бүх зүйл Бурхан байдаг гэдгийг нотлох тэмдгүүд гэж хэлэв.

Алма 30:44

Корихор итгэхээс татгалзсан хэвээр байв. Алма Корихорын ёс бус байдалд харамсаж, түүний бодгаль устгагдаж болзошгүйг сэрэмжлүүлэв.

Aлмa 30:45–46

Бурхан байгаа гэдгийг батлах тэмдгийг Корихор шаардсаар байсан. Корихор ярьж чадахаа болих нь Бурханаас ирэх тэмдэг байх болно гэж Алма хэлэв.

Aлмa 30:48–49

Алмаг үүнийг хэлсний дараа Корихор ярьж чадахаа болив.

Алма 30:50

Корихор энэ тэмдэг нь Бурханаас ирсэн бөгөөд Бурхан байдаг гэдгийг үргэлж мэддэг байсан гэж бичжээ. Тэр Алмагаас залбирч, уг зүхлийг зайлуулахыг хүсэв.

Алма 30:52, 54

Хэрэв Корихор ярьж чаддаг болбол хүмүүст дахин худлаа хэлэх болно гэдгийг Алма мэдэж байлаа. Корихор ярьж чаддаг болох эсэхийг Бурхан шийдэх болно гэж тэр хэлсэн.

Алма 30:55

Их Эзэн Корихорт ярих чадварыг нь эргүүлж өгсөнгүй. Корихор нэг айлаас нөгөөд хэсүүчилж, хоол гуйн явах болжээ.

Алма 30:56

Корихорт юу тохиолдсон тухай өгүүлсэн захидлыг ерөнхий шүүгч орон нутаг даяар илгээв. Корихорт итгэсэн хүмүүсийг наманчил гэж тэр хэллээ. Хүмүүс наманчилцгаав.

Aлмa 30:57–58

Корихор зорамчуудтай хамт амьдрахаар явав. Тэр нэг өдөр гуйлга гуйж байгаад, бусдын хөлд гишгэгдэн нас баржээ.

Алма 30:59