37-р бүлэг

Нифай, Лихай хоёр шоронд орсон нь

Нифай, Лихай хоёр бол Хиламаны хөвгүүд. Хиламан тэднийг Иерусалимыг орхиж явсан Лихай, Нифай хоёр шиг зөв шударга байгаасай гэж хүсжээ.

Хиламан 5:4–7

Хиламан хөвгүүддээ Есүс Христэд итгэхийг заав. Тэд өршөөл нь итгэл, наманчлалаар дамжуулан ирдэг гэдгийг мэдэж авчээ.

Хиламан 5:9–12

Нифай, Лихай хоёр нифайчууд болон леменчүүдэд Бурханы үгийг заахаар явжээ. Мянга мянган хүн баптисм хүртэв.

Хиламан 5:14–19

Нифай, Лихай хоёрыг Нифайн нутагт ирэхэд леменчүүдийн цэргүүд тэднийг шоронд хорин, олон өдрийн турш хоол өгсөнгүй.

Хиламан 5:20–22

Леменчүүд шорон руу очиж, Нифай, Лихай хоёрыг алах гэсэн боловч чадсангүй. Учир нь тэд галан тойргоор хүрээлэгдсэн байсан бөгөөд тэдэнд гар хүрэхийг оролдсон хүн бүр галд түлэгдэхээр байв.

Хиламан 5:22–23

Нифай, Лихай хоёр галд түлэгдсэнгүй. Бурханы хүч чадал өөрсдийг нь хамгаалж байгаа гэж тэд леменчүүдэд хэлэв.

Хиламан 5:24–26

Газар болон шоронгийн хана чичирхийлж эхлэв. Шоронд байгаа хүмүүсийг хар үүл хүрээлэхэд тэд маш их айсан.

Хиламан 5:27–28

Харанхуйн дунд дээрээс нэгэн дуу хоолой гарав. Энэ нь бараг шивнэх мэт сонсогдсон боловч хүн бүр сонсож чаджээ.

Хиламан 5:29–30

Өнөөх дуу хоолой хүмүүст нүглээ наманчилж, Нифай, Лихай хоёрыг алах гэж оролдохоо зогсоо гэж хэллээ.

Хиламан 5:29–30

Уг дуу хоолой гурван удаа ярьж, газар болон шоронгийн хана үргэлжлэн чичирсээр байлаа. Дэндүү харанхуй байсан мөн леменчүүд ихэд айж байсан тул тэд зугтаж чадахгүй байв.

Хиламан 5:33–34

Сүмийн гишүүн байсан нэгэн нифай хүн харанхуйд Нифай, Лихай хоёрын царай гэрэлтэж байгааг харжээ.

Хиламан 5:35–36

Нифай, Лихай хоёр тэнгэр өөд харан, ярьж байв. Нөгөө эр леменчүүдэд тэднийг хараач гэж хэлжээ. Тэд Нифай, Лихай хоёрыг хэнтэй ярьж байгааг ойлгохгүй гайхаж байв.

Хиламан 5:36–38

Аминадаб гэдэг тэр эр Нифай, Лихай хоёрыг тэнгэр элчүүдтэй ярьж байна гэж леменчүүдэд хэллээ.

Хиламан 5:39

Леменчүүд Аминадабаас хар бараан үүлнээс хэрхэн ангижрах тухай асуув. Тэр тэдэнд Есүс Христэд итгэдэг болтлоо наманчилж, залбир хэмээн хэлэв.

Хиламан 5:40–41

Леменчүүд хар бараан үүлийг арилтал залбирав.

Хиламан 5:42

Харанхуй арилахад хүмүүс эргэн тойрондоо байгаа галан баганыг харсан. Гал тэднийг болон шоронгийн ханыг шатаасангүй.

Хиламан 5:43–44

Леменчүүд агуу их баяр баяслыг мэдэрч, Бурханы Сүнс тэдний зүрх сэтгэлийг дүүргэв.

Хиламан 5:44–45

Нэгэн дуу хоолой тэднийг Есүс Христэд итгэх итгэлийнхээ ачаар тайтгарах болно гэж шивнэв.

Хиламан 5:46–47

Леменчүүд уг дуу хоолойг хаанаас гарч байгааг харахаар дээшээ харлаа. Тэд тэнгэр элчүүдийг тэнгэрээс бууж ирж байгааг харав.

Хиламан 5:48

Шоронд юу тохиолдсоныг 300 гаруй хүн үзэж, сонссон байв. Тэд явж, бусдадаа хэлэв.

Хиламан 5:49–50

Леменчүүдийн ихэнх нь тэдэнд итгэж, зэвсгээ далд хийв.

Хиламан 5:50–51

Леменчүүд нифайчуудыг үзэн ядахаа больж, булаан авсан тэдний газар нутгийг эргүүлэн өгөв. Леменчүүд нифайчуудаас илүү зөв шударга болов.

Хиламан 5:50, 52

Олон лемен хүн Нифай, Лихай хоёртой хамт явж, нифайчууд, леменчүүдийн аль алинд заав.

Хиламан 6:1, 6–7