52-р бүлэг
Жаредчуудын сүйрэл
Олон жил өнгөрч, жаредчууд ёс бус болов. Их Эзэн тэдэнд наманчил, үгүй бол тэднийг устгана гэж хэлүүлэхээр бошиглогчдыг илгээв.
Хүмүүс бошиглогчдыг сонссонгүй. Хүмүүс тэднийг алахыг оролдов.
Тэдний газар нутагт дайн дажин, өлсгөлөн тархжээ. Олон жаред хүн нас барав.
Их Эзэн Ифер хэмээх өөр нэгэн бошиглогчийг илгээв. Тэр өглөөнөөс орой хүртэл жаредчуудад Бурханд итгэж, наманчил гэж номлож байв.
Ифер жаредчуудад хэрэв Бурханд итгэвэл хэзээ нэгэн өдөр илүү сайхан дэлхийд Тэнгэрлэг Эцэгтэй хамт амьдрах болно хэмээн хэлэв.
Ифер олон чухал зүйлийг жаредчуудад хэлсэн боловч тэд итгэсэнгүй. Тэд түүнийг хотоосоо хөөн гаргажээ.
Ифер алуулахгүйн тулд өдрийн цагаар агуйд нуугддаг байв. Тэрээр шөнө нь гарч, жаредчуудыг ямархуу байдалтай байгааг хардаг байжээ.
Тэр нуугдаж байх хугацаандаа жаредчуудын түүхийг бичиж дуусгав.
Их Эзэн Иферийг жаредчуудын ёс бус хаан Кориантумр руу илгээв. Ифер наманчил, үгүй бол тэр бүх ард түмнээ алуулахыг харахын тулд амьд үлдэх болно гэж хэлэв.
Кориантумр ба түүний хүмүүс наманчилсангүй. Тэр Иферийг алахыг завдсан ч Ифер зугтан, агуйд нуугдав.
Хүмүүс дэндүү ёс бус байдалтай байсан тул Их Эзэн газар нутгийг зүхэв. Тэд багаж эсвэл сэлмээ тавьж болохгүй байв. Учир нь дараагийн өдөр тэдгээр нь алга болчихдог байлаа.
Эмэгтэйчүүд, хүүхдүүд гээд бүх жаред хүн дайнд байлдав. Кориантумр их цэргээ удирдаж, харин нөгөө талын их цэргийг Шиз удирдаж байлаа.
Кориантумр, Шиз хоёр хоёулаа ёс бус хүмүүс байв. Жаредчууд ёс бус байсан учраас Ариун Сүнс тэднээс холдсон байлаа. Сатан тэднийг бүрэн эзэмдсэн байв.
Жаредчууд Кориантумр, Шиз хоёрыг хоёулхнаа үлдтэл байлдав. Шиз их цус алдсанаас ухаан алдан унахад Кориантумр толгойг нь цавчив.
Иферийн бошиглол биелэгдэн, Кориантумр жаредчуудаас ганцаараа амьд үлдсэн. Түүнийг Зарахемлагийн хүмүүс олжээ.
Ифер жаредчуудын түүхийг бичиж дуусгав. Тэд ёс бус байдлаасаа болж устгагдсан юм. Жаредчуудын цэдгийг хожим нь нифайчууд олжээ.