21-р бүлэг

Амлисайчууд

Амлисай бол нифайчуудын хаан болохыг хүсдэг заль мэхтэй, ёс бус эр байв. Түүнд олон дагалдагч байв.

Aлмa 2:12

Зөв шударга нифайчууд Амлисайг хаанаа болгохыг хүссэнгүй. Тэр Бурханы Сүмийг устгахыг хүсэж байгааг тэд мэдэж байлаа.

Aлмa 2:3–4

Нифайчууд Амлисайг хаанаа болгох эсэхийг шийдэхээр бүлэг болон цугларав. Ихэнх хүн Амлисайн эсрэг санал өгсөн тул тэр хаан болсонгүй.

Aлмa 2:5–7

Амлисайчууд ба түүний дагалдагчид маш ууртай байлаа. Тэд нифайчуудыг орхин явж, Амлисайг өөрсдийн хаан болгон, өөрсдийгөө амлисайчууд гэж нэрлэжээ. Амлисай тэдэнд нифайчуудтай байлдахыг тушаав.

Aлмa 2:8–11

Зөв шударга нифайчууд нум сум, сэлэм, бусад зэвсгээр өөрсдийгөө хамгаалахад бэлтгэв.

Алма 2:12

Амлисайчуудыг довтлоход Алмагаар удирдуулж, Их Эзэнээс хүч чадал хүлээн авсан нифайчууд тэдний олныг нь алав. Үлдсэн амлисайчууд нь зугтан оджээ.

Aлмa 2:15–19

Алма амлисайчуудыг тандуулахаар тагнуулууд илгээв. Тэд леменчүүдийн их цэрэгтэй нэгдэн, Зарахемлагийн ойролцоо амьдарч байгаа нифайчууд руу довтлохыг уг тагнуулууд харжээ.

Алма 2:21, 24–25

Нифайчууд залбирч, Бурхан тэдэнд дахин туслав. Тэд леменчүүд-амлисайчуудын цэргүүдээс олныг алжээ.

Алма 2:28

Алма, Амлисай хоёр сэлмээр байлдав. Алма өөрийн амийг хэлтрүүлэхийг Бурханаас гуйн залбирахад Бурхан түүнд Амлисайг алах хүч чадлыг өгөв.

Алма 2:29–31

Нифайчууд леменчүүд болон амлисайчуудыг аглаг буйд руу хөөв. Шархадсан олон хүн тэнд үхэж, зэрлэг амьтдын хоол болов.

Aлмa 2:36–38

Амлисайчууд бошиглолыг гүйцэлдүүлэн, леменчүүдийн адил духан дээрээ улаан тэмдэг тавив. Амлисайчууд өөрсдийгөө сайн мэдээний адислалуудаас тусгаарлажээ.

Алма 3:4, 14, 18–19