20-р бүлэг
Алма, Нихор хоёр
Хаан Мозаяг нас барахаас өмнө нифайчууд өөрсдийг нь удирдах шүүгчдийг сонгов. Залуу Алма анхны ерөнхий шүүгч болжээ. Тэр мөн Сүмийн удирдагч байв.
Нихор гэгч том биетэй, хүчтэй эр худал зүйл зааж эхлэв. Тэр муу ч бай, сайн ч бай хүн бүр аврагдана гэж хэлж байв. Олон хүн Нихорт итгэжээ.
Нихор Бурханы Сүмийн эсрэг номлосон ч Гидеон гэдэг зөв шударга эр Сүмийг өмөөрч байсан. Нихор Гидеонтой маргахад Гидеон Бурханы үгээр ярив.
Нихор уурлан хилэгнэж, илдээ сугалан, Гидеоныг алав.
Нихорыг шүүлгэхээр Алма дээр авчрав. Нихор өөрийгөө зоригтойгоор хамгаалж байсан.
Гэвч Алма Нихорыг хүмүүст ёс бус байхыг зааж мөн Гидеоныг алсан учраас буруутай гэж хэлжээ.
Нихор Гидеоныг алсныхаа төлөө шийтгэгдэх ёстой гэж Алма хэлсэн. Хуулийн дагуу Нихор үхэх ёстой байв.
Нихорыг ойролцоох уулан дээр аваачиж, цаазаар авсан. Үхэхийнхээ өмнө тэр заасан бүх зүйлээ худлаа гэдгийг хэлэв. Гэвч олон хүн Нихорын нүгэлт сургаалд итгэсээр байлаа.
Энэ хүмүүс эд баялгийг хайрладаг мөн Бурханы зарлигуудыг дагадаггүй байв. Тэд Сүмийн гишүүдээр доог тохуу хийж, тэдэнтэй маргалдан, сөргөлддөг байсан.
Зөв шударга хүмүүс зарлигуудыг үргэлжлүүлэн дуулгавартай дагаж, Нихорын дагалдагчид өөрсдийг нь гомдоож байсан ч гомдоллохгүй байв.
Сүмийн гишүүд ядуустай байгаа бүхнээ хуваалцан, өвчтэй хүмүүсийг асардаг байлаа. Тэд зарлигуудыг дагадаг байсан ба Бурхан тэднийг адисалсан.