54-р бүлэг
Мормоны Номын амлалт
Моронай ялтаснуудыг сүүлчийн удаа газарт булахын өмнө леменчүүдэд болон энэ цэдгийг унших хүн бүрд зориулан нэгэн амлалт бичсэн юм.
Тэр хүмүүст цэдгүүдийг уншаад, тэдгээрийн талаар чин сэтгэлээсээ эргэцүүлэн бодож, тэгээд Тэнгэрлэг Эцэгээс эдгээр нь үнэн эсэхийг асуу гэж хэлжээ.
Моронай хүмүүст Христэд итгэлтэй байж, чин сэтгэлээсээ асуувал Ариун Сүнс тэдэнд уг цэдгүүд үнэн гэдгийг мэдэхэд нь тусална гэж амласан билээ.
Хэрэв хүмүүс наманчилж, Есүс Христийг даган, Тэнгэрлэг Эцэгийг хайрлах юм бол төгс төгөлдөр болж чадна гэж Моронай бичжээ.
Моронай алтан ялтаснууд дээр бичиж дуусаад, тэдгээрийг чулуун хайрцганд хийн, хайрцгийг том хадаар дарж, Кумора гүвээнд нуув. Ийнхүү түүний мөнх бус амьдрал дахь ажил дууссан юм.