30-р бүлэг

Алма хөвгүүддээ зөвлөсөн нь

Нифайчуудыг ямар их ёсон бус болсныг харахад Алмад гунигтай байлаа. Тэр хөвгүүн бүрдээ зөв шударга амьдрах тухай ярив.

Aлмa 35:15–16

Алма том хүү Хиламандаа Бурханд найдах тухай ярив. Тэр Сүмийг устгах оролдлогоо зогсоо гэж Алмад хэлүүлэхээр явуулсан Бурханы тэнгэр элчийн тухай хүүдээ хэлсэн.

Алма 36:3, 6

Алма гэм нүглээсээ болж гурван өдрийн турш зовж шаналсан. Дараа нь тэр аавынхаа Есүсийн тухай заасан зүйлүүдийг санаж, гэм нүглээсээ өршөөгдөж болно гэдгээ мэдэв.

Aлмa 36:16–17

Алма өршөөл гуйн залбирч, бодгаль дахь зовлон шаналал нь баяр баяслаар солигдов. Тэр Есүс Христэд итгэж, нүглээ наманчилсан учраас өршөөл хүртсэн байлаа.

Aлмa 36:18–20

Үүнээс хойш Алма өөрийн мэдэрсэнтэй адил баяр баяслыг хүмүүст мэдрүүлэхийн тулд сайн мэдээг зааж байсан. Бурхан Алмаг Өөрт нь итгэсний төлөө адислав.

Алма 36:24, 27

Алма Хиламанд ариун нандин цэдгүүдийг өгч, ард түмнийхээ түүхийг үргэлжлүүлэн бич гэж хэлжээ.

Aлмa 37:1–2

Хэрэв тэр Бурханы зарлигуудыг дагавал Бурхан түүнийг адисалж, цэдгүүдийг хамгаалахад тусална гэж Алма түүнд хэлэв.

Алма 37:13, 16

Алма мөн өглөө, орой бүр залбирч, хийж байгаа бүх зүйлийнхээ тухай Бурхантай зөвлөлдсөнөөр Бурхан түүнд тусалж удирдах болно гэж Хиламанд хэлжээ.

Aлмa 37:36–37

Зорамчуудын дунд зоригтой номлосон хүү Шиблондоо Алма баяртай байв. Тэд түүн рүү чулуугаар шидсэн ч Шиблон итгэлтэй хэвээр үлдсэн билээ.

Aлмa 38:3–4

Аврагдах цорын ганц зам бол Есүс Христ юм гэдгийг Алма Шиблонд сануулав. Алма дараа нь хүүдээ сайн мэдээг үргэлжлүүлэн заахыг уриалав.

Aлмa 38:9–10

Алмагийн хүү Кориантон зарлигуудыг дагадаггүй байлаа. Тэр зорамчуудад зааж байхдаа итгэлтэй номлогч байсангүй.

Aлмa 39:2–3

Кориантоны хийсэн зүйлээс болж зорамчууд Алмагийн заасан сургаалд итгээгүй билээ.

Aлмa 39:11

Хүмүүс нүглээ Бурханаас нууж чаддаггүйг мөн Кориантоныг нүглээ наманчлах хэрэгтэй гэдгийг Алма Кориантонд хэжээ.

Aлмa 39:8–9

Хүн бүр амилуулагдах боловч зөвхөн зөв шударга хүмүүс л Бурхантай цуг амьдрах болно гэж Алма хүүдээ хэлэв.

Алма 40:9–10, 25–26

Энэ амьдрал бол хүмүүсийн хувьд нүглээ наманчлан, Бурханд үйлчлэх цаг юм гэдгийг Алма хэллээ.

Алма 42:4

Тэр Кориантонд номлогчоор дуудагдсан гэдгийг нь сануулж, зорамчууд дээр эргэн очоод, хүмүүст наманчлахыг заа гэж хэлжээ.

Алма 42:31

Алма хөвгүүдийнхээ хамт сайн мэдээг үргэлжлүүлэн заасан. Тэд санваарын хүчээр заав.

Aлмa 43:1–2