18-р бүлэг

Залуу Алма наманчилсан нь

Хаан Мозая Алмаг Зарахемла дахь Сүмийн удирдагч болгов. Дараа нь Алма нифайчуудад заахад өөрт нь туслах эрчүүдийг сонгон авсан.

Мозая 25:19; Мозая 26:8

Алма, хаан Мозая хоёр итгэлгүй хүмүүс Сүмийн гишүүдийг итгэлийнх нь улмаас зовоож байгаад санаа нь зовж байлаа.

Мозая 27:1

Алмад Алма хэмээх хүү байв. Залуу Алма эцгийнхээ заасан зүйлст итгэдэггүй, ёс бус нэгэн болжээ.

Мозая 27:8

Залуу Алма хаан Мозаягийн дөрвөн хүүтэй нийлж, Сүмийн эсрэг босов. Тэд олон хүнийг Сүмээ орхиж, ёс бус болоход ятгасан.

Мозая 27:8

Алма хүүгээ үнэнийг мэдэж, наманчлаасай гэж залбирав.

Мозая 27:14

Залуу Алма болон хаан Мозаягийн хөвгүүд Сүмийг устгахыг тасралтгүй оролдож байлаа.

Мозая 27:10

Нэгэн өдөр тэдэнд тэнгэр элч үзэгдэв. Тэнгэр элч газар доргим чанга дуугаар тэдэнтэй ярив.

Мозая 27:11

Уг таван залуу маш их айснаас газарт унав. Анхандаа тэд тэнгэр элчийн юу гэж хэлж байгааг ойлгосонгүй.

Мозая 27:12

Тэнгэр элч Сүмийн гишүүдийн залбирлын хариуд иржээ. Тэнгэр элч Залуу Алмагаас яагаад Сүмийн эсрэг босож байгааг нь асуув.

Мозая 27:13–14

Тэнгэр элч Сүмийг устгахыг оролдохоо зогсоо хэмээн Алмад хэлэхэд газар доргив.

Мозая 27:15–16

Залуу Алма болон Мозаягийн хөвгүүд дахин газарт унав. Тэд тэнгэр элчийг харсан бөгөөд Бурханы хүч чадал газрыг доргиосон гэдгийг мэдэж байлаа.

Мозая 27:18

Залуу Алма ихэд цочирдсон тул ярьж ч чадахгүй байлаа. Тэр маш сул дорой болсноос гараа ч хөдөлгөж чадахгүй байв.

Мозая 27:19

Мозаягийн хөвгүүд залуу Алмаг өргөн, аав дээр нь аваачиж, юу тохиолдсон тухай ярив.

Мозая 27:19–20

Алма баяртай байв. Бурхан түүний залбиралд хариулсан гэдгийг тэр мэдэж байлаа.

Мозая 27:20

Их Эзэн өөрийнх нь хүүд болон Мозаягийн хөвгүүдэд юу учруулсныг харуулахын тулд Алма олон хүн цуглуулав.

Мозая 27:21

Алма Сүмийн бусад удирдагчийн хамт мацаг барин залбирч, Бурханаас Залуу Алмаг дахин хүч тэнхээтэй болгоход туслахыг гуйв.

Мозая 27:22

Хоёр өдөр, хоёр шөнийн дараа залуу Алма ярьж, хөдөлж чаддаг болов.

Мозая 27:23

Тэр нүглээ наманчилсан учраас Бурхан өөрийг нь өршөөсөн тухай хүмүүст хэлэв.

Мозая 27:24

Бурханы хаант улсад орохын тулд хүн бүр зөв шударга байх ёстой гэдгийг тэр хүмүүст заав. Тэр мөн нүглээсээ болж өөрийн туулсан асар их зовлон шаналлын талаар хэлэв.

Moзая 27:25–26, 29

Залуу Алма нүглээ наманчилж, Бурхан түүнийг өршөөсөн учраас баяртай байлаа. Бурхан өөрт нь хайртай гэдгийг тэр мэдэж байв.

Мозая 27:28

Залуу Алма ба хаан Мозаягийн хөвгүүд үзсэн сонссоноо хүн бүрд ярьж, газар нутаг даяар үнэнийг зааж эхлэв.

Мозая 27:32

Тэд хийсэн буруу зүйлээ засаж залруулахыг хичээж байлаа. Тэд хүмүүст судрыг тайлбарлан өгч, Есүс Христийн тухай заав.

Мозая 27:35

Залуу Алма болон Мозаягийн хөвгүүдийг сайн мэдээ зааж байхад Бурхан адислав. Олон хүн тэднийг сонсож итгэжээ.

Мозая 27:36