Inkuru zo mu Byanditswe Bitagatifu

Igice cya 12: Umwami Benyamini

“Igice cya 12: Umwami Benyamini,” Inkuru zo mu Gitabo cya Morumoni (1997), 32–35

“Igice cya 12,” Inkuru zo mu Gitabo cya Morumoni, 32–35

Igice cya 12

NaN:NaN

Umwami Benyamini

Umwami Benyamini yigisha — Umwami Benyamini yari umwami w’umukiranutsi w’Umunefi. Abifashijwemo n’abandi bantu b’abakiranutsi, yazanye amahoro mu gihugu.

Umwami Benyamini na Mosaya — Umwami Benyamini arasaza nuko ashaka kuvugisha abantu be. Yashakaga kubabwira ko umuhungu we Mosaya azaba umwami ukurikiyeho.

abantu bakoranira hirya no hino y’ingoro y’Imana — Abantu baturutse hose mu gihugu nuko bateranira hafi y’ingoro y’Imana. Bateye amahema yabo ku buryo imiryango yarebaga ingoro y’Imana.

Umwami Benyamini avuga — Umwami Benyamini yavugiye ku munara kugira ngo Abanefi babashe kumwumva.

Abanefi — Yabwiye abantu be ko yari yaragerageje cyane kubafasha. Yavuze ko uburyo bwo gukorera Imana ari ugufashanya hagati y’abantu.

Umwami Benyamini — Umwami Benyamini yabwiye abantu kubaha amategeko y’Imana. Abazakurikiza amategeko mu buryo budahemuka bazishima ndetse hari umunsi bazabana n’Imana.

umwana Yesu na Mariya — Umwami Benyamini yavuze ko bidatinze Yesu Kristo azavuka ku isi. Izina rya nyina rizaba Mariya.

Yesu akora ibitangaza — Yesu azakora ibitangaza. Azakiza abarwayi ndetse agarure mu buzima abapfuye. Azatuma impumyi zibona abapfamatwi bumva.

Yesu asenga — Yesu azababazwa apfe kubw’ibyaha by’abantu bose. Abazihana ndetse bakagira ukwizera muri Yesu Kristo bazababarirwa ibyaha byabo.

Yesu abambwa. — Umwami Benyamini yabwiye Abanefi ko abagabo b’abagome bazakubita Yesu. Nyuma bakamubamba.

Yesu yazutse. — Nyuma y’iminsi itatu Yesu azazuka.

Abanefi bihana — Nyuma Umwami Benyamini amaze kuvuga, Abanefi bituye hasi. Bari bababajwe n’ibyaha byabo ndetse bashatse kwihana.

Abantu basenga — Abantu bagize ukwizera muri Yesu Kristo, barasenga ngo babarirwe.

Abanefi bamwenyura — Roho Mutagatifu yuzuye imitima yabo. Bamenye ko Imana yari yabababariye kandi ko yabakundaga. Biyumvisemo amahoro n’umunezero.

Umwami Benyamini avugisha abantu — Umwami Benyamini yabwiye abantu be kwemera Imana. Yashakaga ko bamenya ko Imana yaremye ibintu byose kandi ko ari inyabwenge ikanaba inyembaraga.

umuryango usenga — Umwami Benyamini yabwiye abantu kwicisha bugufi no gusenga buri munsi. Yashakaga ko abantu be bahora bibuka Imana no kuba indahemuka.

Umwami Benyamini avuga — Yabwiye ababyeyi kudatuma abana babo barwana cyangwa ngo bajye impaka.

ababyeyi bigisha abana — Yababwiye kwigisha abana babo kubaha no gukunda no gufashanya.

Abanefi bateze amatwi Umwami Benyamini — Yaburiye abantu kwitondera ibyo batekereza, ibyo bavuga n’ibyo bakora. Ko bagombaga kuba indahemuka ndetse bagakurikiza amategeko ubuzima bwabo bwose basigaje.

Umwami Benyamini avugisha abantu — Umwami Benyamini yabajije abantu niba baremeye inyigisho ze. Bose basubiza ko bazemeye. Roho Mutagatifu yari yarabahinduye, kandi ntibari bacyifuza gukora icyaha.

Abanefi bamwenyura. — Bose bagize igihango cyangwa basezeranye gukuriza amategeko y’Imana. Umwami Benyamini yarishimye.

Umwami Benyamini aha umugisha Mosaya — Umwami Benyamini aha umuhungu we Mosaya uburenganzira bwo kuba umwami mushya. Nyuma y’imyaka itatu Umwami Benyamini yaratanze.

Mosaya ari gukora — Mosaya yari umwami w’umukiranutsi. Yarakoze cyane kandi yafashije abantu be, nk’uko se yabigenje.