Inkuru zo mu Byanditswe Bitagatifu

Igice cya 49: Morumoni n’Inyigisho Ze

“Igice cya 49: Morumoni n’Inyigisho Ze,” Inkuru zo mu Gitabo cya Morumoni (1997), 138–42

“Igice cya 49,” Inkuru zo mu Gitabo cya Morumoni, 138–42

Igice cya 49

4:19

Morumoni n’Inyigisho Ze

amatsinda abiri y’abantu — Imyaka myinshi nyuma yuko Yesu Kristo asuye Abanefi, itsinda rito ryavuye mu itorero maze biyita Abalamani.

itsinda riganira — Amaherezo abantu hafi ya bose babaye abagome, Abanefi n’Abalamani bombi.

Amaroni ahisha inyandiko — Umugabo w’umukiranutsi, Amaroni, yari afite inyandiko ntagatifu. Roho Mutagatifu yamubwiye kuzihisha kugirango zibe zirinzwe.

Amaroni avugisha Morumoni wari ukiri muto — Amaroni yabwiye Morumoni, umuhungu w’imyaka 10, aho inyandiko zari zihishwe. Amaroni yari abizi ko yakwizera Morumoni.

Amaroni na Morumoni — Igihe yari afite imyaka 24, Morumoni yagombaga gufata ibisate bya Nefi maze akabyandikaho ibyerekeye abantu be.

Abanefi n’Abalamani barwana — Igihe Morumoni yari afite imyaka 11, intambara yaratangiye hagati y’Abanefi n’Abalamani. Abanefi baratsinze, nuko hongera kuboneka amahoro.

abantu banywa — Ariko Abanefi bari abagome cyane ku buryo Nyagasani yatwaye abigishwa batatu, bigahagarika ibitangaza no gukiza. Roho Mutagatifu ntiyari akiyobora abantu.

Morumoni — Ubwo Morumoni yari afite imyaka 15, Yesu Kristo yaramusuye. Morumoni yize byinshi ku Mukiza ndetse n’ubwiza bwe.

Morumoni areba abantu babiri — Morumoni yashakaga kubwiriza abantu, ariko Yesu aramubuza kubera ko abantu bari abagome cyane. Imitima yabo yari irimo kurwanya Imana.

Morumoni nk’umuyobozi w’ingabo — Nyuma yaho gato indi ntambara iratangira. Morumoni yari munini kandi akomeye, maze Abanefi bamuhitamo ngo ayobore ingabo zabo.

Morumoni avugisha ingabo — Abanefi barwanye n’Abalamani mu gihe cy’imyaka myinshi. Morumoni yagerageje gutera akanyabugabo abantu be kurwanira imiryango yabo n’ingo zabo.

urugamba — Abanefi bari barabaye abagome cyane, ku buryo, Nyagasani atabafashaga.

Morumoni avugana n’abagabo — Morumoni yabwiye Abanefi ko bazarokoka nibaramuka bihannye kandi bakabatizwa. Ariko abantu barabyanze.

Morumoni areba ingabo — Bigambye imbaraga zabo, bavuga ko bazica Abalamani bose. Kubera ubugome bw’Abanefi, Morumoni yanze gukomeza kubayobora ukundi.

Morumoni ahagararanye n’ingabo — Abalamani batangira gutsinda Abanefi muri buri rugamba. Morumoni afata umwanzuro wo kongera kuyobora ingabo z’Abanefi.

Morumoni yicaye — Yari abizi ko Abanefi b’abagome batatsinda urugamba. Ntabwo bihanye cyangwa ngo basenge kubw’ubufasha bari bakeneye.

Morumoni atwikurura inyandiko — Morumoni yafashe inyandiko zose ku musozi aho Amaroni yari yarazihishe maze yandikira abantu bazasoma inyandiko umunsi umwe.

Morumoni n’inyandiko ntagatifu — Yashakaga buri wese, harimo abayahudi, ko bamenya Yesu Kristo, ko bihana bakanabatizwa, bagakurikiza Inkuru nziza maze bagahabwa imigisha.

Morumoni yandika ku bisate bitagatifu — Roho yabwirije Morumoni gushyira ibisate bito bya Nefi, byarimo ubuhanuzi bwo kuza kwa Kristo, hamwe n’ibisate bya Morumoni.

Ingabo za Morumoni — Morumoni yayoboye Abanefi ku butaka bwa Kumora, aho bari biteguye kongera kurwana n’Abalamani.

Morumoni afashe ibisate — Morumoni yagendaga asaza. Yari abizi ko uru rwari bube urugamba rwanyuma. Ntiyashakaga ko Abalamani babona inyandiko ntagatifu ngo bazangirize.

Morumoni ahereza ibisate Moroni — Rero yahaye ibisate Morumoni umuhungu we, Moroni, maze ahisha ibisate bisigaye mu musozi wa Kumora.

Abanefi bapfa — Abalamani bateye kandi bica Abanefi bose uretse 24 muri bo. Morumoni yari yakomeretse.

Morumoni wakomeretse — Morumoni yari ababaye kubw’Abanefi benshi bari bapfuye, ariko yari abizi ko bapfuye kubera bari baranze Yesu.

Yesu Kristo — Morumoni yari yaragerageje kwigisha Abanefi ukuri. Yari yarababwiye uko kugira ukwizera muri Yesu Kristo byari iby’agaciro.

Morumoni yigisha — Yari yaragerageje kwigisha ku kugira icyizere mu gitambo cy’incungu cya Yesu Kristo ndetse no kugira urukundo nyakuri, arirwo rukundo rw’umwimerere rwa Kristo.

Morumoni yandika amabaruwa — Kandi Morumoni yari yarandikiye amabaruwa umuhungu we, Moroni, nawe wigishije inkuru nziza Abanefi.

Moroni asoma ibaruwa — Morumoni yanditse kubyerekeye ubugome bukabije bw’Abanefi. Yabwiye Moroni kuguma yizeye muri Yesu Kristo.

Morumoni yishwe — Abalamani bishe Morumoni n’abandi Banefi bose uretse Moroni, warangije kwandika inyandiko.