Inkuru zo mu Byanditswe Bitagatifu

Igice cya 39: Nefi Yakira Ububasha Buhambaye

“ Igice cya 39: Nefi Yakira Ububasha Buhambaye,” Inkuru zo mu Gitabo cya Morumoni (1997), 108–10

“Igice 39,” Inkuru zo mu Gitabo cya Morumoni, 108–10

Igice cya 39

2:32

Nefi Yakira Ububasha Buhambaye

Nefi atekereza — Nefi agenda yerekeza iwe, atekereza kubyo Nyagasani yari yaramweretse no ku bugome bw’Abanefi. Yari ababaye kubera ubugome bwabo.

Nefi asenga — Nyagasani yabwiye Nefi ndetse aramushima kuba yubaha kandi akorana umwete mu kwigisha inkuru nziza.

Nefi — Nefi yari yarahawe ububasha bwo gukora icyo aricyo cyose. Nyagasani yari azi ko azakoresha ububasha bwe mu bukiranutsi.

Nefi ari kugenda — Nyagasani yabwiye Nefi kuburira Abanefi ko niba batihannye, bazarimburwa. Nefi yahise ajya kuburira abantu.

Abanefi batera Nefi — Abanefi ntibemeye Nefi. Bagerageje kumuta mu nzu y’imbohe, ariko ububasha bw’Imana buramukingira.

Nefi agenda — Nefi yatangaje ijambo ry’Imana ku Banefi bose.

abantu barwana — Ariko abantu bahindutse abagome kurushaho ndetse batangiye kurwana hagati yabo.

Nefi asenga — Nefi yarasenze ngo habeho inzara, yizeye ko ibura ry’ibiribwa bizacisha bugufi Abanefi ndetse bibafashe kwihana.

abagabo ku butaka bwumye — Inzara yaraje. Nta mvura yabonetse, bityo ubutaka bwarumye ndetse imyaka ntiyakura. Abantu bahagaritse kurwana.

umuryango usenga — Abanefi barashonje ndetse benshi muri bo barapfuye. Abari bakiriho batangiye kwibuka Nyagasani hamwe n’ibyo Nefi yari yarabigishije.

abantu baganira n’abacamanza — Abantu bihannye ibyaha byabo ndetse batakambira abacamanza babo gusaba Nefi guhagarika iyo nzara. Abacamanza bajya kwa Nefi.

Nefi asenga — Igihe Nefi yasengaga yabonye ko bicishije bugufi kandi bihannye, yasabye Nyagasani guhagarika iyo nzara.

abantu mu mvura — Nyagasani yasubije isengesho rya Nefi nuko imvura itangira kugwa. Bidatinze imyaka yari yongeye kumera. Abantu bahaye Imana ikuzo kandi bamenye ko Nefi yari umuhanuzi uhambaye.

Abanefi bahinga — Abenshi mu Banefi binjiye mu Itorero. Barakize kandi imijyi yabo yaragutse. Habayeho amahoro mu gihugu.

Abalamani batera Abanefi — Noneho Abanefi bari barasanze Abalamani mbere bateye Abanefi.

indwanyi — Abanefi bagerageje gutsinda abanzi babo, bari barahindutse abajura ba Gadiyantoni, ariko ntibabishoboye kuko bo ubwabo bari barongeye kuba abagome.

Abanefi bikoreye ibitebo — Igihe Abanefi bari bakiranutse, Nyagasani yabahaye umugisha. Igihe bishyize hejuru kandi bakibagirwa Nyagasani, yabahaye ingorane ngo zibafashe kumwibuka.