Inkuru zo mu Byanditswe Bitagatifu

Igice cya 14: Abinadi n’Umwami Nowa

“Igice cya 14: Abinadi n’Umwami Nowa,” Inkuru zo mu Gitabo cya Morumoni (1997), 38–42

“Igice cya 14,” Inkuru zo mu Gitabo cya Morumoni, 38–42

Igice cya 14

4:31

Abinadi n’Umwami Nowa

Zenifu — Zenifu yari umwami w’umukiranutsi w’itsinda ry’Abanefi. Amaze gusaza, umuhungu we Nowa yabaye umwami.

Nowa — Nowa ntabwo yari umwami mwiza nka se. Yari umugome kandi ntiyubahaga amategeko y’Imana.

abantu baha ubutunzi Umwami Nowa — Yahatiye abantu kumuha igice cy’ibinyampeke byabo, amatungo, zahabu n’ifeza.

Nowa yicaye ku meza yo kuriraho — Umwami Nowa yakoze ibi kubera ko yari umunebwe. Yatumye Abanefi bamuha ibyo yari akeneye byose ngo abeho.

abatambyi beza n’abagome — Abatambyi beza se yari yarahamagaye yabasimbuje abatambyi b’abagome. Aba batambyi b’abagomei bigishije abantu gukora ibyaha.

intebe y’umwami n’abarinzi — Umwami Nowa yari afite inyubako nyinshi nziza, harimo ingoro imwe ngari irimo intebe y’umwami. Inyubako zari zitatswe na zahabu, feza n’imbaho zihenze.

Nowa — Umwami Nowa yakundaga ubutunzi yambuye abantu be. We n’abatambyi be bamaraga igihe cyabo banywa vino kandi baba abagome.

Abinadi abwirizaa ukwihana — Imana yohereje umuhanuzi witwa Abinadi ku bantu ba Nowa. Abinadi yababuriye ko nibatihana, bazaba abacakara b’Abalamani.

Nowa yicaye ku meza — Ubwo Umwami Nowa yumvise ibyo Abinadi yavuze, yararakaye. Yohereza abantu ngo bazane Abinadi i bwami kugira ngo amwice.

Abinadi avugisha umwami — Abinadi yajyanywe ku mwami. Umwami Nowa n’abatambyi be bamubajije ibibazo byinshi. Bagerageje kumutega imitego ngo agire icyo avuga kibi.

Abinadi avugisha umwami — Abinadi ntiyatinyaga gusubiza ibibazo byabo. Yari abizi ko Imana imufasha. Abatambyi batangajwe n’ibisubizo bya Abinadi.

Umwami Nowa arakaye — Umwami Nowa yararakaye ndetse ategeka abatambyi be kwica Abinadi. Abinadi ababwira ko nibamukoraho, Imana ibica.

Roho Mutagatifu arinda Abinadi — Roho Mutagatifu yarinze Abinadi kugira ngo arangize kuvuga ibyo Nyagasani yashakaga ko avuga. Mu maso ha Abinadi hararabagiranaga. Abatambyi batinye kumukoraho.

Abinadi avuga — Abinadi avuga afite ububasha buturutse ku Mana, yabwiye abantu ku bijyanye n’ubugome bwabo. Yabasomeye amategeko y’imana.

Mariya, Yozefu n’umwana Yesu — Yababwiye ko Yesu Kristo azavuka ku isi. Yesu azatuma bishoboka ko abantu bihana, bakazuka kandi bakabana n’Imana.

Yesu Kristo — Abinadi yabwiye abantu kwihana no kwemera Yesu Kristo cyangwa se ntibazakizwe.

Abinadi agirwa imfungwa — Umwami Nowa n’abatambyi be bose uretse umwe banze kwemera Abinadi. Nowa yabwiye abatambyi kwica Abinadi. Baramuboshye bamujugunya mu nzu y’imbohe.

Aluma avugisha Umwami Nowa — Wa mutambyi umwe wemeye Abinadi yitwaga Aluma. Yasabye Umwami Nowa kureka Abinadi akagenda.

Aluma yihisha — Umwami yarakariye Aluma asaba ko bamuta hanze. Nuko yohereza abagaragu be kumwica. Aluma yarirukanse aranihisha, ndetse abagaragu ntibigeze bamubona.

Abinadi imbere ya Nowa — Nyuma yo kumara iminsi itatu mu nzu y’imbohe, Abinadi yarongeye agarurwa imbere y’Umwami Nowa. Umwami yabwiye Abinadi kwisubiraho ku magambo yari yamuvuzeho n’abantu be.

Umwami Nowa arakaye — Umwami Nowa yabwiye Abinadi ko nadahakana ibyo yavuze, ari bwicwe.

Abinadi avuga — Abinadi yari abizi ko yavuze ukuri. Yifuzaga gupfa kuruta kwisubira kubyo Imana yamutumye kuvuga.

Abinadi atwikwa — Umwami Nowa yategetse abatambyi be kwica Abinadi. Baramuboshye, baramukubita ndetse baramutwika kugeza apfuye. Mbere y’uko apfa, Abinadi yavuze ko Umwami Nowa nawe azicwa n’umuriro.

Abalamani barwanya abantu ba Nowa. — Bambwe mu Banefi ntibavugaga rumwe n’Umwami Nowa ndetse bagerageza kumwica. ingabo z’Abalamani nazo zaje kurwanya umwami n’abayoboke be.

Umwami n’abayoboke bahunga — Umwami n’abayoboke be bahunga Abalamani, ariko Abalamani barabafata batangira kubica. Umwami abwira abagabo gusiga imiryango yabo maze bagakomeza kwirukanka.

Abalamani bafata abantu mpiri — Abagabo benshi banze kugenda. Bafashwe mpiri n’Abalamani.

Abagabo barakarira Nowa — Benshi mu bagabo birukankanye n’Umwami Nowa barababaye. Bashakaga gusubirayo ngo bafashe abagore n’abana babo ndetse n’abantu babo.

Nowa hamwe n’abandi bagabo — Umwami Nowa ntiyifuzaga ko abagabo basubira mu miryango yabo. Yabategetse kugumana na we.

Abagabo batwika Umwami Nowa — Abagabo barakariye Umwami Nowa. Baramutwitse kugeza apfuye, nk’uko Abinadi yari yarabihanuye. Maze basubira mu miryango yabo.