Inkuru zo mu Byanditswe Bitagatifu

Igice cya 25: Aroni Yigisha Se w’Umwami Lamoni

“Igice cya 25: Aroni Yigisha Se w’Umwami Lamoni,” Inkuru zo mu Gitabo cya Morumoni (1997), 71–72

“Igice cya 25,” Inkuru zo mu Gitabo cya Morumoni, 71–72

Igice cya 25

1:53

Aroni Yigisha Se w’Umwami Lamoni

Aroni na bagenzi be bagenda — Roho yayoboye Aroni na bagenzi be mu gihugu cya Nefi kwigisha se wa Lamoni, umwami w’Abalamani bose.

Aroni avugisha umwami — Aroni yabwiye umwami ko yari umuvandimwe wa Amoni. Umwami yari amaze igihe atekereza ku bugwaneza bwa Amoni ndetse n’ibyo Amoni yamubwiye.

Aroni avugisha umwami — Aroni yabajije umwami niba yaremeraga Imana. Umwami yavuze ko ashidikanya ariko ko avuga ko yaza kwemera niba Aroni avuze ko hari Imana. Aroni yahamirije umwami ko Imana iriho.

Aroni asomera umwami ibyanditswe bitagatifu — Aroni yasomeye umwami ibyanditswe bitagatifu. Yamwigishije ku Iremwa ry’isi, ukugwa kwa Adamu, n’ubutumwa bwa Yesu Kristo.

Umwami avugisha Aroni — Umwami yabajije icyo yari akeneye gukora ngo agire Roho Mutagatifu no kwitegura kubana n’Imana. Umwami yari yiteguye gukora icyo aricyo cyose, ndetse no gutanga ubwami bwe.

Aroni avugisha umwami — Aroni yabwiye umwami ko yari akeneye kwihana byimbitse ibyaha bye. Yari akeneye gusenga kandi akagira ukwizera mu Mana.

Umwami asenga — Umwami yasenze ngo amenye niba koko Imana iriho. Yavuze ko azareka ibyaha bye byose.

umwami ku butaka — Umwami yaguye ku butaka amera nk’aho yapfuye. Umwamikazi amubonye, agira ngo Aroni na bagenzi be bari bamwishe.

umwamikazi ategeka abagaragu — Umwamikazi ategeka abagaragu be kwica Aroni na bagenzi be, ariko abagaragu bari bafite ubwoba bwo kubikora. Yabatumye kujya gushaka abandi bantu bo kubikora.

Aroni ategeka umwami guhaguruka — Mbere y’uko haza abantu benshi ngo bateze ibibazo, Aroni yafashe ukuboko kw’umwami anamubwira guhagarara. Umwami yarahagaze.

umwami acururukisha umugore we — Umwami yacururukije umwamikazi n’abagaragu be bagize ubwoba maze abigisha inkuru nziza. Bose bimeye Yesu Kristo.