Inkuru zo mu Byanditswe Bitagatifu

Igice cya 18: Aluma Muto Arihana

“Igice cya 18: Aluma muto Arihana,” Inkuru zo mu Gitabo cya Morumoni (1997), 49–52

“Igice cya 18,” Inkuru zo mu Gitabo cya Morumoni, 49–52

Igice cya 18

3:14

Aluma Muto Arihana

Aluma yimika abandi — Umwami Mosaya yagize Aluma umuyobozi w’Itorero muri Zarahemula. Aluma maze atoranya abandi bagabo kumufasha kwigisha Abanefi.

abemera batotezwa — Aluma n’umwami Mosaya bahangayitse kuko abatemera batumaga abanyamuryango b’Itorero bababara kubera ukwemera kwabo.

Aluma Muto — Aluma yari afite umuhungu witwaga Aluma. Aluma Muto ntabwo yemeye inyigisho za se nuko ahinduka umugabo w’umugome.

Aluma Muto n’abahungu b’Umwami Mosaya — Aluma Muto n’abahungu bane b’Umwami Mosaya barwanyije Itorero. Bemeje abantu benshi kuva mu Itorero nuko bahinduka abagome.

Aluma asenga — Aluma asenga ko umuhungu we azamenya ukuri kandi akihana.

Aluma Muto n’abahungu b’Umwami Mosaya — Aluma Muto n’abahungu b’Umwami Mosaya bakomeje kugerageza kurimbura Itorero.

marayika abonekera abantu — Umunsi umwe umumarayika arababonekera. Marayika yarabavugishije mu ijwi riranguruye ryatigishije ubutaka.

abasore bahinda umushyitsi kubera marayika — Ba basore batanu bahinze umushyitsi ku buryo bituye hasi. Bwa mbere ntibashoboye kumva ibyo marayika yarimo avuga.

marayika aganiriza Aluma Muto — Marayika yaje nk’igisubizo ku masengesho y’abanyamuryango b’Itorero. Marayika yabajije Aluma Muto impamvu yariho arwanya Itorero.

Aluma Muto — Ubutaka bwaratigise uko marayika yabwiraga Aluma Muto guhagarika kugerageza kurimbura Itorero.

abahungu bitura hasi — Aluma Muto n’abahungu ba Mosaya bongera kwitura hasi. Bari babonye umumarayika, kandi bari bazi ko ububasha bw’Imana bwari bwatigishije ubutaka.

Aluma Muto ku butaka — Aluma Muto yari yatangaye cyane ku buryo atashoboraga kuvuga. Yacitse intege kugera aho atashoboraga no kunyeganyeza ibiganza bye.

Aluma Muto aterurwa — Abahungu ba Mosaya bateruye Aluma Muto bamushyira se kandi bamubwira ibyababayeho byose.

Aluma asenga — Aluma yari yishimye. Yari azi ko Imana yasubije amasengesho ye.

Aluma Muto ku buriri — Aluma yahamagaye abantu benshi kuza kureba icyo Nyagasani yari yakoreye umuhungu we n’abahungu ba Mosaya.

Aluma aha umugisha umuhungu we — Aluma, hamwe n’abandi bayobozi b’Itorero, bariyirije kandi barasenze kandi basabye Imana gufasha Aluma Muto kongera kugarura intege.

Aluma Muto avugisha se — Nyuma y’iminsi n’amajoro abiri, Aluma Muto yabashije kuvuga no kunyeganyega.

Aluma Muto aganiriza abandi — Yabwiye abantu ko yihannye ibyaha bye kandi Imana yamubabariye.

Aluma Muto yigisha — Yigishije ko buri wese agomba guhinduka umukiranutsi kugira ngo yinjire mu bwami bw’Imana. Yavuze kandi ku mubabaro mwinshi yagize bitewe n’ibyaha bye.

Aluma Muto — Aluma Muto yari yishimye kubera ko yari yihannye kandi Imana ikaba yaramubabariye. Yari yaramenye ko Imana yamukunze.

abagabo bigisha — Aluma Muto n’abahungu b’Umwami Mosaya batangiye kwigisha ukuri mu gihugu hose, babwira buri wese icyo bari barabonye kandi bumvise.

Aluma Muto yigisha abantu — Bagerageje gukosora ibibi bari barakoze. Basobanuriye abantu ibyanditswe bitagatifu kandi babigishije ibya Yesu Kristo.

Aluma Muto abatiza abandi — Imana yahaye umugisha Aluma Muto n’abahungu ba Mosaya uko bigishije inkuru nziza. Abantu benshi babateze amatwi kand barizeye.