Inkuru zo mu Byanditswe Bitagatifu

Igice cya 16: Umwami Limuhi n’Abantu Be Baratoroka

“Igice cya 16: Umwami Limuhi n’Abantu Be Baratoroka,” Inkuru zo mu Gitabo cya Morumoni (1997), 45–46

“Igice cya 16,” Inkuru zo mu Gitabo cya Morumoni, 45–46

Igice cya 16

1:41

Umwami Limuhi n’Abantu Be Baratoroka

Abalamani bareba abantu mu murima — Abalamani bafashe mpiri Abanefi benshi batari baratorokanye n’Umwami Nowa. Abalamani barabatwaye banabaha ubutaka ariko babishyuza imisoro myinshi.

Umwami Limuhi — Abanefi bagize Limuhi umwami wabo mushya. Limuhi yari umuhungu w’Umwami Nowa, ariko ntabwo yari umugome nka se. Yari umugabo mwiza.

Umulamani akubita Abanefi — Umwami Limuhi yagerageje gushaka amahoro ku Balamani, ariko bakomeje kugumana Abanefi no kubafata nabi cyane.

Abanefi bafatwa mpiri — Umunsi umwe Umwami Limuhi yabonye abanyamahanga bamwe inyuma y’umujyi. Yabashyize mu nzu y’imbohe. Abo banyamahanga bari Abanefi baturutse Zarahemula.

Amoni aganiriza Limuhi — Umuyobozi wabo yitwaga Amoni. Umwami Limuhi yishimiye kumubona. Yari azi ko Amoni ashobora gufasha abantu be gutoroka Abalamani.

Umwami Limuhi aganiriza abantu — Umwami Limuhi yegeranije hamwe abantu be. Yabibukije ko ubugome bwabo ariyo mpamvu bari bafashwe n’Abalamani.

Limuhi avuga — Yabwiye abantu be kwihana, kwizera Imana no kubaha amategeko. Noneho Imana ikazabafasha gutoroka.

Abalamani bavuga — Abanefi bamenye ko Abalamani barinda umujyi bakunze kuba basinze nijoro.

Abanefi bashyira vino abarinzi — Iryo joro Umwami Limuhi yohereza izindi vino ku barinzi nk’impano.

Limuhi n’abantu be bacika — Umwami Limuhi n’abantu be bashoboye guca imbere y’abarinzi basinze no gutoroka.

abantu bahabwa ikaze i Zarahemula — Amoni yayoboye Umwami n’abantu be banyuze mu gasi bajya i Zarahemula, aho bahawe ikaze.