Inkuru zo mu Byanditswe Bitagatifu

Igice cya 32: Umutware w’ingabo Moroni n’Ibendera ry’Ubwisanzure

“Igice cya 32: Umutware wIngabo Moroni n’Ibendera ry’Ubwisanzure,” Inkuru zo mu Gitabo cya Morumoni (1997), 89–90

“Igice cya 32,” Inkuru zo mu Gitabo cya Morumoni, 89–90

Igice cya 32

1:48

Umutware w’ingabo Moroni n’Ibendera ry’Ubwisanzure

Amalikiya avuga — Umugabo w’umugome witwaga Amalikiya yashakaga kuba umwami w’Abanefi. Abanefi benshi bari baravuye mu Itorero baramukurikira.

Amalikiya — Iyo Amalikiya aba umwami, yari kuzagerageza gusenya Itorero ry’Imana kandi agakuraho ubwisanzure bw’abantu.

Moroni areba Amalikiya — Mu gihe Umutware w’ingabo Moroni, umuyobozi w’ingabo z’Abanefi, yumvise umugambi wa Amalikiya wo kuba umwami, byaramurakaje.

Moroni yandika ku ibendera — Moroni ashwanyura igishura cye akora ibendera. yanditseho ubutumwa bwibutsa abantu kurinda idini ryabo, umudendezo n’amahoro.

Moroni asenga — Moroni amanika rya bendera ku giti nuko aryita ibendera ry’ubwisanzure. Noneho yambaye ingabo, yarapfukamye arasenga.

Moroni asenga — Yasabye Imana kurinda abizeraga muri Yesu Kristo kandi yasengeye uburenganzira mu gihugu, acyita Igihugu cy’ubwisanzure.

Moroni azunguza ibendera — Moroni yagiye mu bantu. Azunguza ibendera ry’ubwisanzure, yabasabye kumusanga no gufatanya kurinda uburenganzira bwabo.

abantu bahurira kuri Moroni — Abantu baturutse mu gihugu hose. Bijeje ko bazubaha amategeko y’Imana kandi bakarwanira umudendezo.

Amalikiya n’abayoboke be biruka — Igihe Amalikiya yabonaga uburyo Abanefi bari basanze Moroni, yagize ubwoba. We n’abayoboke be baragiye basanga Abalamani.

Moroni n’ingabo ze — Moroni n’ingabo ze bagerageje kubahagarika, ariko Amalikiya hamwe n’abantu be bake baracitse.

ibendera rimanitse ku munara w’umurinzi — Moroni yashyize ibendera ry’ubwisanzure kuri buri munara mu butaka bw’Anefi. Abanefi bagumanye umudendezo wabo kandi bongeye kugira amahoro.