Inkuru zo mu Byanditswe Bitagatifu

Igice cya 30: Aluma Agira inama Abahungu Be

’’Igice cya 30: Aluma Agira inama Abahungu Be,” Inkuru zo mu Gitabo cya Morumoni (1997), 82–84

“Igice cya 30,” Inkuru zo mu Gitabo cya Morumoni, 82–84

Igice cya 30

NaN:NaN

Aluma Agira inama Abahungu Be

Aluma avugisha abahungu be — Aluma ntiyari yishimye kubera ukuntu Abanefi bari barabaye abagome. Yavugishije buri muhungu we ku bijyanye no kubaho ubuzima bukiranutse.

marayika hamwe na Aluma ndetse n’abahungu ba Mosaya — Aluma yabwiye Helamani, umuhungu we mukuru, kwizera Imana. Yamubwiye ku mu marayika Imana yari yohereje kubwira Aluma guhagarika kurimbura Itorero.

Aluma mu buribwe ku buriri — Mu gihe cy’iminsi itatu Aluma yarababaye kubera kwicira urubanza kwe. Nyuma yibutse inyigisho za se kuri Yesu, kandi yamenye ko ibyaha bye byababarirwa.

Aluma — Aluma yasenze asaba imbabazi, maze umunezero usimbura ububabare mu bugingo bwe. Yarababariwe kubera ko yari afite ukwizera muri Yesu Kristo kandi yarihannye.

Aluma yigisha — Guhera ubwo Aluma yari yarigishije abandi inkuru nziza kugira ngo bumve umunezero nk’uwe. Imana yari yarahaye umugisha Aluma kubera ukwizera kwe mu Mana.

Aluma ahereza Helamani inyandiko — Aluma yahaye Helamani inyandiko ntagatifu amubwira gukomeza kwandika amateka y’abantu babo.

Aluma avugisha Helamani — Aluma yamubwiye ko nakurikiza amategeko, Imana izamuha umugisha kandi ikamufasha kurinda inyandiko.

Aluma na Helamani — Aluma kandi yabwiye Helamani gusenga buri gitondo na buri joro abwira Imana ibyo yakoraga byose kugira ngo Imana imuyobore.

Shibuloni — Aluma yari yishimye we n’umuhungu we Shibuloni, wari umuvugabutumwa w’intwari mu Bazoramu. Shibloni yakomeje kuba indahemuka no mu gihe bari bamuteye amabuye.

Aluma na Shibuloni — Aluma yibukije Shibuloni ko inzira yonyine yo gukizwa ari muri Yesu Kristo. Nuko Aluma ashishikariza umuhungu we ngo akomeze kwigisha inkuru nziza.

Koriyantoni — Umuhungu wa Aluma witwa Koriyantoni ntabwo yakurikije amategeko. Ntabwo yari yarabaye umuvugabutumwa w’indahemuka igihe yigishaga Abazoramu.

Aluma — Kubera ibyo Koriyantoni yari yarakoze, Abazoramu ntibemeraga inyigisho za Aluma.

Aluma na Koriyantoni — Aluma yabwiye Koriyantoni ko abantu batashobora guhisha ibyaha byabo Imana kandi ko Koriyantoni yari akeneye kwihana.

Aluma — Aluma yigishije umuhungu we ko buri muntu azazuka ariko ko abakiranutsi bonyine aribo bazabana n’Imana.

Aluma na Koriyantoni — Ubu buzima ni igihe cyahawe abantu ngo bihane kandi bakorere Imana, niko Aluma yavuze.

Aluma ahereza Koriyantoni ibyanditswe bitagatifu — Yibutsa Koriyantoni ko yari yarahamagariwe kuba umuvugabutumwa, Aluma yamubwiye gusubira mu Bazoramu maze akigisha abantu kwihana.

Aluma n’abahungu be bigisha — Aluma n’abahungu be bakomeje kwigisha inkuru nziza. Bigishije kubw’ububasha bw’ubutambyi.