Inkuru zo mu Byanditswe Bitagatifu

Igice cya 51: Abayeredi Bajya mu Gihugu cy’Isezerano

“Igice cya 51: Abayeredi Bajya mu Gihugu cy’Isezerano,” Inkuru zo mu Gitabo cya Morumoni (1997), 145–48

“Igice cya 51,” Inkuru zo mu Gitabo cya Morumoni, 145–48

Igice cya 51

3:12

Abayeredi Bajya mu Gihugu cy’Isezerano

umuvandimwe wa Yeredi n’igicu — Ubwo Abayeredi bari bakambitse ku nyanja, umuvandimwe wa Yeredi yibagiwe gusenga. Nyagasani yaje mugicu kumubwira kwihana.

umuvandimwe wa Yeredi asenga — Umuvandimwe wa Yeredi yarihannye ndetse arasenga. Nyagasani yababariye umuvandimwe wa Yeredi ariko amubwira kutazongera gucumura.

umuvandimwe wa Yeredi asenga — Nyagasani yabwiye umuvandimwe wa Yeredi kubaka amato azajyana abantu mu gihugu cy’Isezerano.

umuvandimwe wa yeredi avugana na Nyagasani — Nyagasani yabwiye umuvandimwe wa Yeredi uko bubaka amato.

Abayeredi bubaka amato — amato yari afunze neza ku buryo nta mazi yakwinjiramo imbere.

umuvandimwe wa Yeredi avugisha Nyagasani — Umuvandimwe wa Yeredi yibazaga uko abantu bazabona umwuka bahumeka mu mato. Yabajije Nyagasani icyo yakora.

umuvandimwe wa Yeredi apfuka umwenge — Nyagasani yamubwiye gushyira umwenge ku gice cyo hejuru no hasi kuri buri bwato. Umwenge wagombaga gufungurwa kugira ngo umwuka winjire kandi ugafungwa kugira ngo amazi atinjiramo imbere.

umuvandimwe wa Yeredi avugisha Nyagasani — Umuvandimwe wa Yeredi yabwiye Nyagasani ko amato yari yijimye mo imbere. Nyagasani yamusabye gutekereza k’uburyo babona urumuri mu mato.

umuvandimwe wa Yeredi atega amatwi Nyagasani — Urumuri rw’amato ntirwaribuve ku muriro cyangwa se mu idirishya kubera ko byari bubumene.

umuvandimwe wa Yeredi akora amabuye y’ikirahuri — Umuvandimwe wa Yeredi yagiye ku musozi maze akora utubuye 16 akuye mu rutare. Amabuye yasaga nk’ikirahuri gikeye. Yakoze amabuye abiri kuri buri bwato mu mato umunani.

umuvandimwe wa Yeredi yurira umusozi — Umuvandimwe wa Yeredi yajyanye amabuye ku gasongero k’umusozi. Aho yasenze Nyagasani.

umuvandimwe wa Yeredi asenga — Umuvandimwe wa Yeredi yasabye Nyagasani gukora ku mabuye kugira ngo atange urumuri mu mato.

Kristo akora kuri buri buye — Nyagasani yakoze kuri buri buye n’urutoki rwe.

umuvandimwe wa Yeredi — Kubera ko umuvandimwe wa Yeredi yari afite ukwizera gukomeye, yabonye urutoki rwa Nyagasani. Rwasaga nk’urutoki rw’umuntu.

Kristo hamwe n’umuvandimwe wa Yeredi — Maze Nyagasani yiyereka umuvandimwe wa Yeredi.

Yesu Kristo — Yesu Kristo yavuze ko abo bantu bazamwemera bazagira ubuzima buhoraho.

Yesu yigisha umuvandimwe wa Yeredi — Yesu yigishije ndetse yereka umuvandimwe wa Yeredi ibintu byinshi. Yesu yamubwiye kwandika ibyo yabonye n’ibyo yumvise.

umuvandimwe wa Yeredi amanuka umusozi — Umuvandimwe wa Yeredi yamanutse umusozi afite amabuye. Yashyize ibuye rimwe kuri buri ruhande rwa buri bwato. Yatanze urumuri mu mato.

amato mu mazi — Abayeredi bagiye mu mato hamwe n’amatungo yabo n’ibyo kurya. Nyagasani yateje umuyaga ukomeye uhuha amato yerekeza mu gihugu cy’Isezerano.

umuvandimwe wa Yeredi — Nyagasani yarabarinze mu nyanja mbi. Bashimiye Nyagasani kandi bamuririmbira indirimbo z’ishimwe.

amato agera mu gihugu cy’Isezerano — Nyuma y’iminsi 344 mu mazi, amato yageze ku nkengero z’igihugu cy’Isezerano.

Abayeredi basenga — Ubwo Abayeredi basohokaga mu mato, barapfukamye maze bararira amarira y’umunezero.

umugore wikoreye ingano — Abayeredi bubatse amazu ndetse batera ibihingwa mu gihugu cy’isezerano. Bigishije abana babo gutega amatwi Nyagasani kandi bakubaha ijambo rye.