Inkuru zo mu Byanditswe Bitagatifu

Igice cya 7: Kubaka Inkuge

“Igice cya 7: Kubaka Inkuge,” Inkuru zo mu Gitabo cya Morumoni (1997), 21–22

“Igice cya 7,” Inkuru zo mu Gitabo cya Morumoni, 21–22

Igice cya 7

1:48

Kubaka Inkuge

Nefi — Nyuma y’uko umuryango wa Lehi wari wakambitse hafi y’inyanja mu gihe cy’iminsi myinshi, Nyagasani yavugishije Nefi. Yamubwiye kubaka inkuge yo kujyana umuryango we mu gihugu cy’isezerano.

Nefi ategura ibikoresho — Nefi ntiyarazi uko bubaka inkuge ariko Nyagasani yamubwiye ko azabimwereka. Yabwiye Nefi aho azabona ibyuma byo gucura ibikoresho azakenera.

Lamani na Lemuweli hamwe na Nefi — Lamani na Lemuweli basetse Nefi kubera gushaka kubaka inkuge. Ntibemeraga ko Nyagasani yari yeretse Nefi uburyo azabikora. Banze kumufasha.

Nefi aganiriza Lamani na Lemuweli — Nefi yabwiye Lamani na Lemuweli kwihana no kutigomeka. Yabibukije ko babonye umumarayika. Yanababwiye ko Imana ifite ububasha bwo gukora ibintu byose.

Lamani na Lemuweli bashaka kujugunya Nefi mu nyanja — Lamani na Lemuweli bari barakariye Nefi kandi bashatse kumujugunya mu nyanja.

Nephi ari kumwe na Lamani na Lemuweli — Uko baje basanga Nefi, yabategetse kutamukoraho kuko yari yuzuye ububasha bw’Imana. Lamani na Lemuweli bagize ubwoba igihe cy’iminsi myinshi.

Lamani na Lemuweli bagwa hasi bagaramye — Nuko Nyagasani yabwiye Nefi gukora kuri Lamani na Lemuweli. Mu gihe Nefi yabikoraga, Nyagasani arabatigisa. Lamani na Lemuweli bamenye ko ububasha bw’Imana bwari kuri Nefi.

Nefi — Nefi yabwiye Lamani na Lemuweli kumvira abayeyi babo no kumvira Imana. Nefi yavuze ko nibabikora, bazahabwa umugisha.

Lamani na Lemuweli bubaka inkuge — Lamani na Lemuweli barihannye kandi bafasha Nefi kubaka inkuge.

Nefi asenga — Nefi ajya ku musozi inshuro nyinshi gusenga asaba ubufasha. Nyagasani amwigisha ukuntu bubaka inkuge.

inkuge yuzuye — Igihe Nefi n’abavandimwe be bari barangije kubaka inkuge, bamenye ko ari inkuge nziza. Bashimiye Imana kubera yabafashije.