Inkuru zo mu Byanditswe Bitagatifu

Igice cya 5: Kugenda mu Gasi

“Igice cya 5: Kugenda mu Gasi,” Inkuru zo mu Gitabo cya Morumoni (1997), 13–15

“Igice cya 5,” Inkuru zo mu Gitabo cya Morumoni, 13–15

Igice cya 5

NaN:NaN

Kugenda mu Gasi

abavandimwe bagenda mu butayu — Nyagasani yashakaga ko abahungu ba Lehi bashaka abagore bazigisha abana babo inkuru nziza. Yabwiye Lehi kohereza abahungu be i Yerusalemu kuzana umuryango wa Ishimayeli.

Nefi avugana na Ishimayeli — Nefi n’abavandimwe be basubiye i Yerusalemu. Babwiye Ishimayeli icyo Nyagasani yashakaga ko akora. Ishimayeli yarabemeye, we n’umuryango we bajyana n’abahungu ba Lehi.

Lamani na Lemuweli barakarira Nefi — Ubwo bagendaga mu gasi, Lamani na Lemuweli ndetse na bamwe mu bagize umuryango wa Ishimayeli bararakaye. Bashakaga gusubira i Yerusalemu.

Nefi avugana na Lamani ndetse na Lemuweli — Nefi yibukije Lamani na Lemuweli ibyo Nyagasani yabakoreye byose. Yababwiye kugira ukwizera guhambaye kurushaho. Barakariye Nefi ariko ntabwo basubiye i Yerusalemu.

Abageni basezerana — Nefi, abavandimwe be na Zoramu nyuma barongoye abakobwa ba Ishimayeli.

Lehi afashe Liyahona. — Nyagasani abwira Lehi gukomeza urugendo rwe. Igitondo cyakurikiyeho Lehi yabonye agapira k’umuringa kitwa Liyahona hanze y’ihema rye. Kerekanaga inzira yo gucamo mu gasi.

umuryango ugenda — Umuryango wa Lehi wegeranije ibiribwa n’imbuto kandi bazinga amahema yabo. Banyuze mu gasi mu gihe cy’iminsi myinshi bakurikira icyerekezo cya Liyahona.

guhiga — Nefi n’abavandimwe be bakoresheje imiheto n’imyambi bahiga ngo babone ibyo kurya uko babaga bagenda.

Umuheto uvunitse — Umuheto w’icyuma wa Nefi uravunika ndetse n’imiheto y’abavandimwe be itakaza intege zayo. Abavandimwe be ntibashoboraga kwica inyamaswa, kubw’ibyo buri wese yari ashonje. Lamani na Lemuweli bararakaye.

umuheto w’igiti — Nefi yakoze umuheto w’igiti nuko abaza se aho kujya guhigira. Lehi yabonye ibyerekezo muri Liyahona. Nefi yakurikiye ibyo byerekezo nuko abona inyamaswa.

Lehi afashe Liyahona. — Liyahona yakoraga gusa igihe umuryango wa Lehi wabaga ari indahemuka, ukorana umwete unubaha.

Nefi yagarukaganye ibiribwa — Nefi yagarukanye inyamaswa yari yabonye. Buri wese yarishimye kubwo kubona ibyo kurya. Baricujije kuba bari barakaye, nuko bashima Imana kubwo kubaha umugisha.

abakobwa ba Ishimayeli — Urugendo ntabwo rwari rworoshye. Kenshi umuryango wa Lehi wabaga unaniwe, ushonje ndetse ufite inyota. Ishimayeli arapfa nuko abakobwa be barababara. Bitotombeye Lehi.

Lamani na Lemuweli — Lamani na Lemuweli nabo baritotombye. Ntabwo bemeye ko Nyagasani yari yaravugishije Nefi. Bashakaga kwica Lehi na Nefi ubundi bagasubira i Yerusalemu.

Lamani na Lemuweli — Ijwi rya Nyagasani rivugisha Lamani na Lemuweli. Ribabwira kutarakarira Lehi na Nefi. Lamani na Lemuweli barihannye.

Umuryango wa Lehi — Umuryango wa Lehi wakomeje urugendo rwabo rukomeye. Imana yarabafashije kandi irabakomeza. Abana baravutse. Lehi na Sariya bari bafite abandi bana babiri bitwa Yakobo na Yozefu.

umuryango ugenda — Nyuma yo kugenda mu gasi mu gihe cy’imyaka umunani, umuryango wa Lehi wageze ku nkengero y’inyanja. Bahasanze imbuto n’ubuki. Ako gace bakise Aharumbuka.