“Igice cya 9: Urugo Rushya mu Gihugu cy’Isezerano,” Inkuru zo mu Gitabo cya Morumoni (1997), 25-26
“Igice cya 9,” Inkuru zo mu Gitabo cya Morumoni, 25-26
Igice cya 9
Urugo Rushya mu Gihugu cy’Isezerano
Inkuge itwaye umuryango wa Lehi yambutse inyanja ndetse igera mu gihugu cy’isezerano. Abantu bashinga amahema yabo.
Barahinze banatera imbuto bari barazanye.
Uko batemberaga ku butaka bwabo bushya, babonye inyamaswa z’ubwoko bwinshi. Babonye zahabu, feza n’umuringa.
Imana yabwiye Nefi gucura ibisate mu cyuma byo kwandikaho. Nefi yanditse ku muryango we no ku ngendo zabo. Yanditse kandi amagambo y’Imana.
Lehi yarashaje. Mbere yo gupfa yaganirije abahungu be nuko ababwira kubaha amategeko y’Imana. Yanahaye umugisha abuzukuru be.
Nyuma y’aho Lehi apfiriye Lamani na Lemuweli barakariye Nefi banashaka kumwica. Ntibashakaga ko Nefi, murumuna wabo, aba umuyobozi wabo.
Nyagasani yabwiye Nefi kuyoborai abantu b’abakiranutsi mu gasi. Bakora urugendo rw’iminsi myinshi nuko bagera aho bahagarara ku butaka babwita Nefi.
Abantu bakurikiye Nefi bumviye Imana. Barakoze cyane kandi bahabwa umugisha. Nefi yigishije abantu be kubakisha imbaho n’ibyuma. Bubatse ingoro y’Imana nziza.
Abayoboke ba Lamani na Lemuweli bitwaga Abalamani.
Abalamani ntibubahaga Imana nuko birukanwa imbere Yayo. Roho wa Nyagasani ntiyashoboraga kubana nabo keretse bihannye.
Abalamani bari buzuye ubugizi bwa nabi kandi kenshi barwanyaga Abanefi.