Inkuru zo mu Byanditswe Bitagatifu

Igice cya 40: Samweli w’Umulamani Avuga ibya Yesu Kristo.

“Igice cya 40: Samweli w’Umulamani Avuga ibya Yesu Kristo.” Inkuru zo mu Gitabo cya Morumoni (1997), 111–13

“Igice cya 40,” Inkuru zo mu Gitabo cya Morumoni, 111–13

Igice cya 40

NaN:NaN

Samweli w’Umulamani Avuga ibya Yesu Kristo

Abalamani bagenda — Abalamani bubashye amategeko y’Imana. Babaye abakiranutsi kurusha Abanefi.

Samweli abwiriza Abanefi — Samweli, umuhanuzi w’Umulamani, yagiye i Zarahemula kubwiriza Abanefi b’abagome. Yababwiye kwihana.

Samweli yiruka ahunga abarinzi b’Abanefi — Abanefi bajugunye Samweli hanze y’umujyi, maze atangira gusubira mu mujyi yaturutsemo.

Samweli asenga — Ariko Nyagasani yabwiye Samweli gusubira i Zarahemula maze abwire abantu ibintu Nyagasani azamushyira mu mutima we.

Samweli abwiriza ku rukuta — Abanefi bangiye Samweli kwinjira mu mujyi, kubw’ibyo yuriye urukuta rw’umujyi aba ariho yigishiriza.

abantu bumva Samweli — Yahanuye ko Abanefi bazarimburwa mu myaka 400 kereka abantu nibihana kandi bakagira ukwizera muri Yesu Kristo.

Samweli avuga — Samweli yavuze ko Yesu Kristo azavuka mu myaka itanu kandi azakiza abamwizeye bose.

inyenyeri hejuru ya Betelehemu — Samweli yababwiye ibimenyetso bizaranga ivuka rya Yesu. Inyenyeri nshya izagaragara, kandi ko mu ijoro rya mbere y’uko Yesu avuka ritazigera ryijima.

abantu bicaye mu mwijima — Maze Samweli ababwira ibimenyetso by’urupfu rwa Yesu. Hazabaho iminsi itatu y’umwijima upfutse—izuba, ukwezi n’inyenyeri ntibizigera bimurika.

imirabyo ikubita inyubako — Hazabaho inkuba n’imirabyo ndetse n’imitingito. Imisozi izashwanyagurika, n’imijyi myinshi izasenyuka.

Abanefi bavugisha Nefi — Bamwe mu Banefi bizeye Samweli maze bihana ibyaha byabo. Bagiye gushaka Nefi, Umunefi w’umukiranutsi washoboraga kubabatiza.

abantu barasa Samweli imyambi — Abanefi basigaye ntabwo bemeye Samweli. Bamuteye amabuye banamurasa imyambi. Ariko Nyagasani yaramurinze, ndetse nta buye cyangwa umwambi byigeze bimufata.

Abanefi barasa imyambi — Abantu babonye ko batamuhamya, benshi muri bo barizeye maze bajya kubatizwa na Nefi.

Nefi abatiza umugabo — Nefi kandi yigishije abantu kuri Yesu Kristo. Yashakaga ko bemera Yesu, bakihana, ndetse bakanabatizwa.

abagabo burira inzego — Abanefi benshi, ariko, ntabwo bemeye Samweli. Bagerageje kumufata mpiri.

Samweli asimbuka urukuta — Samweli yasimbutse urukuta maze yirukanka ajya mu gihugu cye.

Samweli yigisha abalamani — Samweli yatangiye kwigisha Abalamani. Ntiyigeze yumvikana mu Banefi ukundi.