Inkuru zo mu Byanditswe Bitagatifu

Igice cya 35: Umutware w’ingabo Moroni na Pahorani

“Igice 35: Umutware w’ingabo Moroni na Pahorani,” Inkuru zo mu Gitabo cya Morumoni (1997), 95–97

Igice cya“ 35,” Inkuru zo mu Gitabo cya Morumoni, 95–97

Igice cya 35

NaN:NaN

Umutware w’ingabo Moroni na Pahorani

Moroni asoma urupapuro — Umutware w’ingabo Moroni yishimiye kumva ko Helamani n’ingabo ze zagaruje ubutaka bunini bw’igihugu cy’Abanefi zibwambuye Abalamani.

indwanyi zihagaze ku rukuta — Ariko Helamani n’ingabo ze bari bakeneye ubufasha. Ntibari bafite abantu bahagije bo kurinda imijyi myinshi nk’iyo.

Umutware w’ingabo Moroni yandika — Umutware w’ingabo Moroni yandikiye ibaruwa Pahorani, umucamanza mukuru akaba n’umutware. Yasabye Pahorani kohereza izindi ngabo nyinshi gufasha ingabo za Helamani.

Abalamani batera umujyi — Abalamani bateye umujyi w’Abanefi Helamani yari yarabambuye. Bishe Abanefi benshi ndetse abasigaye babirukanye muri uwo mujyi.

Moroni yandika — Yarakariye abayobozi ba leta kubera ko batohereje ubufasha, Moroni yandikiye indi baruwa Pahorani.

abasirikare — Umutware w’ingabo Moroni yanditse ko abantu benshi bari bishwe kubera ko Pahorani atohereje abandi basirikare.

Moroni yandika — Iyo Pahorani atohereza byihuse ingabo n’ibiribwa, Moroni yari kuzana ingabo ze i Zarahemula nuko agafata ibyo ingabo ze zari zikeneye.

Moroni yakira ibaruwa — Bidatinze Moroni yabonye ibaruwa ya Pahorani. Yari ababajwe cyane nuko Moroni hamwe n’ingabo ze bari mu ngorane.

Pahorani yandika ibaruwa — Pahorani yabwiye Moroni ko itsinda ry’Abanefi b’abagome biswe abambari b’umwami batashatse ko aba umucamanza mukuru. Bamusohoye muri Zarahemula hamwe n’abamushyigikiye.

ingabo ziteranira inyuma y’umujyi — Pahorani yongeyeho ko ariho ashyira hamwe ingabo kugira ngo agaruze Zarahemula.

umwami n’abambari be — Abambari b’umwami bari barahisemo umwami ngo abe umuyobozi wabo ndetse bari barasanze Abalamani.

Pahorani yandika ibaruwa — Pahorani ntabwo yari yarakajwe n’ibyo Moroni yari yanditse. Nawe yashakaga ko Abanefi bagira umudendezo.

Moroni asoma ibaruwa — Yasabye Moroni kuzana abagabo bake kumufasha anavuga ko mu gihe Moroni yahuriza hamwe abandi bagabo inzira yose, urwunge rw’ingabo zabasha kwigarurira Zarahemula.

Moroni afashe ibaruwa — Umutware w’ingabo Moroni yishimiye ko Pahorani yari akizirikana ighugu cye ndetse agishaka umudendezo w’abantu be.

Moroni n’ingabo — Afatanije na bake mu ngabo ze, Moroni yagiye guhura na Pahorani. Yari atwaye ibendera ry’ubwisanzure, nuko ibihumbi by’abagabo bibasanga mu nzira.

imirwano ku rukuta rw’umujyi — Urwunge rw’ingabo za Moroni na Pahorani bateye Zarahemula. Bishe umwami w’Abanefi b’abagome kandi bafata mpiri ingabo ze.

Moroni n’abasirikare — Moroni noneho yohereza ibiribwa n’abasirikare 12,000 gufasha ingabo z’Abanefi. Izi ngabo zirukanye Abalamani, nuko amahoro yongera kuba mu gihugu.