“Khaolo ea 14: Abinadi le Morena Noah,” Lipale tsa Buka ea Mormone (1997), 38–42
“Khaolo ea14,” Lipale tsa Buka ea Mormone, 38–42
Khaolo ea 14
Abinadi le Morena Noah
Zeniffe e ne e le morena ea lokileng oa sehlopha sa Ba-Nefi. Ha a se a tsofetse, Mora oa hae ea eba eena morena.
Noah e ne e se morena ea lokileng joalo ka ntata´e. o ne a le khopo ´me o ne a sa mamele litaelo tsa molimo.
O ne a qobella batho ba hae ho mo fa karolo ea bona ea lijo-thollo, liphoofolo, khauta, le silevera.
Morena Noah o ne a etsa sena hobane o ne a le botsoa. O ne a etsa hore Ba-Nefi ba mo fe tsohle tseo a neng a li hloka hore a phele.
O ile a tlosa baprista ba neng ba lokile bao ntata´e a neng a ba bitsitse ´me a bitsa baprista ba khopo. Baprista bana ba khopo ba ne ba ruta batho ho etsa libe.
Morena Noah o ne a na le meaho e mengata e metle, e ena le ntlo ea borena e kholohali e na le terone. Meaho eo e ne e khabisitsoe ka khauta, selivera le patsi ea ho tura.
Morena Noah o ne a rata maruo ao a neng a a fumana ho tsoa ho batho ba hae. Eena le baprista ba hae ba ne ba qeta nako ea bona ba noa veine ´me ba etsa lintho tsa bokhopo.
Molimo O ile a romela moporofeta ea neng a bitsoa Abinadi ho batho ba Noah. Abinadi o ile a ba hlokomelisa hore ha ba sa bake, ba tla iphumana e le makhoba a Ba-Lamane.
Ha morena Noah a utloa seo Abinadi a se buileng, o ile a halefa. O ile a romela banna ho ea tla le Abinadi ntlong ea hae ea borena hore a tle a mo bolaee.
Abinadi o ile a lebisoa ho morena. Morena Noah le baprista ba hae ba ile ba mo botsa lipotso tse ngata. Ba ne ba leka ho mo ts´oasa ka hore a tle a bue ho hong ho phoso.
Abinadi o ne a sa tśoha ho araba lipotso tsa bona. O ne a tseba hore Molimo O tla mo thusa. Baprista ba ne ba makalitsoe ke likarabo tsa Abinadi.
Morena Noah o ne a halefile ´me a laela baprista ba hae ho bolaea Abinadi. Abinadi a re ha ba ka mo tśoara, Molimo o tla ba bolaea.
Moea o Halalelang o ile a sireletsa Abinadi hore a tle a qete ho bua seo Morena a neng a batla a se bue. Sefahleho sa Abinadi se ne se khanya. Baprista ba ne ba tśaba ho mo tśoara.
Abinadi o ile a bua ka matla a tsoang ho Molimo, a bolella batho ka libe tsa bona. O ile a ba balla melao ea Molimo.
O ile a ba bolella ka Jesu Kreste ea tlang ho tsoaloa lefatśeng. Jesu o tla etsa ho khonehe hore batho ba bake, ho tsoha bafung, ´me ba ilo phela le Molimo.
Abinadi o ile a bolella batho ho baka ´me ba lumele ho Jesu Kreste kapa ha ba na ho pholosoa.
Morena Noah le bohle ntle le a le mong oa baprista ba hae ba ha ba ka ba lumela Abinadi. Noah o ile a bolella baprista ho bolaea Abinadi. Ba ile ba mo tlama ´me ba mo akhela chankaneng.
Moprista a le mong eo a ileng a lumela Abinadi o ne a bitsoa Alma. O ile a kopa morena Noah ho lokolla Abinadi.
Morena o ile a halefela Alma ´me a re ba mo leleke. Eaba o romella basebeletsi ba hae ho ea mo bolaea. Alma o ile a baleha ´me a ipata, ´me basebeletsi ba se ke ba mo fumana.
Kamora ho hlola chankaneng matsatsi a mararo, Abinadi o ile a tlisoa ka pele ho morena Noah. Morena o ile a bolella Abinadi ho hula mantsoe a hae khahlanong le eena le batho ba hae.
Morena Noah a bolella Abinadi hore ha a sa latole tsohle tseo a li buileng o tla bolaoa.
Abinadi one a tseba hore o buile ´nete. O ne a itokiselitse ho shoa hona le hore a hule mantsoe a seo Molimo a mo rommeng ho tla se bua.
Morena Noah o ile a laela baprista ba hae ho bolaea Abinadi. Ba ile ba mo tlama, ba mo khakhatha, ´me ba mo besa ka mollo ho fihlela a shoele. Pele a shoa, Abinadi o ile a re morena Noah o tlo shoa ka mollo le eena.
Ba bang ba Ba-Nefi ba ne ba hanyetsana le Morena Noah ´me ba leka ho mo bolaea. Lebotho la Ba-Lamane le lona la tla ho tla loantśa morena le balateli ba hae.
Morena le balateli ba hae ba ile ba baleha Ba-Lamane, empa Ba-Lamane ba ile ba ba fumana ´me ba qalella ho ba bolaea. Morena a bolella banna ba habo ho siea malapa a bona ´me ba tsoelepele ho baleha.
Bongata ba banna bo ne bo sa tlohe. Ba ile ba tśoaroa ke Ba-Lamane.
Boholo ba banna ba neng ba balehile le Morena Noah ba ile ba soaba. Ba ne ba batla ho khutlela morao ´me ba lo thusa balekane ba bona le bana le batho ba habo bona.
Morena Noah o ne a sa batle ha banna bao ba khutlela malapeng a bona. A ba laela ho lula le eena.
Banna bao ba ile ba halefela Morena Noah. Ba ile ba mo besa ka mollo ho fihlela a shoele , joalo ka ha Abinadi a ile a senola. Eaba ba khutlela morao malapeng a bona.