Khaolo ea 26

Batho ba Ammone

Mosaia o ruta Ba-Lamane

Bara ba Mosaia ba ile ba ruta Ba-Lamane evangeli. Likete tsa Ba-Lamane li ile tsa baka ´me ba kena Kereke.

Alma 23:4 - 5

Ba-Anti-Nefi-Lehi

Ba-Lamane ba ileng ba kena Kereke ba ile ba ipitsa Ba-Anti-Nefi-Lehi, kapa batho ba Ammone. E ne e le batho ba lokileng, ba sebetsang ka thata.

Alma 23:17–18; 27:26

Ba-Lamane ba itokisetsa ntoa

Ba-Lamane ba neng ba sa baka ba ne ba halefetse batho ba Ammone ´me ba itokiselitse ho ba loantśa

Alma 24:1 - 2

Batho ba Ammone

Batho ba Ammone ba ne ba tseba hore Ba-Lamane ba khopo ba tlilo ba bolaea ´me ba ile ba nka qeto ea ho se itoanele. Ba ne ba baketse ho bolaea.

Alma 24:5 - 6

batho ba pata lihlomo

Ba ile ba tsetela lihlomo tsa bona botebong ka mobung ´me ba tśepisa Molimo hore ba ke ke ba hlola ba bolaea.

Alma 24:17 - 18

Ba – Lamane ba ea tla ´me batho ba rapela

Ha Ba-Lamane ba khopo ba fihla ba qalella ho ba bolaea,ba ile ba khumama fatśe ´me ba rapela.

Alma 24:21

Ba-Lamane ba eme ba potapotile batho ba Ammone

ha ba bona hore batho ba Ammone ha ba itoanele, boholo ba Ba-Lamane ba khopo bo ile ba tlohela ho ba bolaea.

Alma 24:23 - 24

Ba-Lamane ba beha lihlomo fatśe

Ba-Lamane ba ne ba soabetse ho bolaea. Ba ile ba lahlela lihlomo tsa bona fatśe ´me ba kopana le batho ba Ammone. Ba ne ba se ba sa batle ho hlola ba loana.

Alma 24:24 - 27

Ba – Lamane ba bolaea batho ba Ammone

Ba-Lamane ba bang ba ile ba tla ho tla bolaea batho ba Ammone. Ba ne ba ntse ba sa itoanele, ´me ba bangata ba ile ba bolaoa.

Alma 27:2 - 3

Ammone o a rapela

Ka ha a ne a sa batle ha batho bao a ba ratang ba timetsoa, Ammone o ile a rapella thuso. Morena o ile a mo bolella hore a nke batho ba hae ´me a tlohe lefatśeng leo.

Alma 27:4 - 5, 10 - 12

Batho ba Ammone le Ba- Nefi ba Zarahemla

Ba-Nefi ba Zarahemla ba ile ba fa batho ba Ammone lefats´e la Jershone ´me ba ba sireletsa. Ba ile ba fetoha metsoalle.

Alma 27:22 - 23