“Khaolo ea 7: Ho Aha Sekepe,” Lipale tsa Buka ea Mormone (1997), 21–22
“Khaolo ea7,” Lipale tsa Buka ea Mormone, 21–22
Khaolo ea 7
Ho Aha Sekepe
Kamora hore lelapa la Lehi le lule lebopong la leoatle matsatsi a mangata, Morena o ile a bua le Nefi. A mo bolella hore a ahe sekepe ho jara lelapa la habo ho ea lefatśeng la pallo.
Nefi o ne a sa tsebe ho etsa sekepe, empa Morena a re o tla mo bonts´a. A bolella Nefi moo a ka fumanang ts´epe ho etsa liselelisoa tseo a tlang ho li hloka.
Lamane le Lemuele ba ile ba tśeha ka Nefi ha a batla ho aha sekepe. Ba ne ba sa lumele hore Morena o bontśitse Nefi hore na sekepe se ahoa joang. Ba ile ba hana ho thusa.
Nefi o ile a bolella Lamane la Lemuele ho baka ´me ba se ke ba ba manganga. A ba hopotsa hore ba ile ba bona lengeloi. A boela a ba bolella hore Molimo o na le matla a ho etsa lintho tsohle.
Lamane le Lemuele ba ile ba halefela Nefi ´me ba ile ba batla ho mo akhela ka leoatleng.
Ha ba tla ho Nefi, o ile a ba bolella hore ba se mo tśoare hobane o tletse ka matla a Molimo. Lamane le Lemuele ba ile ba tśoha matsatsi a mangata.
Eaba Morena O bolella Nefi ho tśoara Lamane le Lemuele. Ha Nefi a etsa joalo, Morena O ile a ba tsitsipanya. Lamane le Lemuel ba ile ba tseba hore matla a Molimo a na le Nefi.
Nefi o ile a bolella Lamane le Lemuele ho mamela batsoali ba bona le ho mamela Molimo. Nefii a re ha ba ka etsa seo, ba tla hlohonolofatsoa.
Lamane le Lemuele ba ile ba baka ´me ba thusa Nefi ho aha sekepe.
Nefi o ile a leba thabeng makhetlo a mangata ho ea rapella thuso. Morena o ile a mo ruta hore na sekepe se ahoa joang.
Ha Nefi le baholoane ba hae ba se ba qetile ho aha sekepe, ba ile ba tseba hore e ne e le sekepe se nepahetseng. Ba ile ba leboha Molimo ka ho ba thusa.