Lipale tsa Mangolo a Halalelang

Khaolo ea 51: Ba-Jerede Ba Tsamaea ho ea Lefatśeng La Pallo

“Khaolo ea 51: Polao ea Moahloli e Moholo,” Lipale tsa Buka ea Mormone (1997), 51

“Khaolo ea 51,” Lipale tsa Buka ea Mormone, 51

Khaolo ea 51

Ba-Jarede Ba Tsamaea Ho ea Lefatśeng La Pallo

Moholoane oa Jerede le leru — Ha Ba-Jerede ba ntse ba phela lebopong la leoatle, moholoane oa Jerede o ile a lebala ho rapela. Morena o ile a tla ka har´a leru ho tla ´molella hore a bake.

Moholoane oa Jerede o oa rapela — Moholoane oa Jerede o ile a baka `me a rapela. Morena o ile a tśoarela moholoane oa Jarede empa a re a se hlole a etsa sebe seo hape.

Moholoane oa Jerede o a rapela — Morena o ile a bolella moholoane oa Jerede hore a ahe likepe tsa likotlolo tse tlang ho thota batho ba habo ho ea lefatśeng la pallo.

Moholoane oa Jerede o bua le Molimo — Morena o ile a bolella moholoane oa Jerede hore a ahe likepe tsa likotlolo joang.

Ba-Jerede ba aha liketsoana — Likepe tsa ikotlolo li ne li ahiloe ka mokhoaa oo li neng li sa kene mooa hore metsi a se ke a kena.

Moholoane oa Jerede o bua le Molimo — Moholoane oa Jerede o ile a ipotsa hore na batho batla fumana moea oa ho phefumoloha joang ka likepeng tsa likotlolo. O ile a botsa Morena hore a etse joang.

Moholoane oa Jerede o koala lesoba — Morena o ile a `molella hore a etse masoba ka holimo le ka tlase ho sekepe sa sekotlolo ka seng. Masoba ao a ne a ka buloa hore mooa o kene ´me e be ba ea koala ho thibela metsi a se ke a kena.

Moholoane oa Jerede o bua le Molimo — Moholoane oa Jerede o ile a bolella Morena hore likepe li lefifi ka hare. Morena o ile a kopa hore a inahanele tsela eo a ka khantśang ka har´a likepe.

Moholoane oa Jerede o mamela Molimo — Khanya ea ka har´a likepe e ne e ke ke ea tsoa mollong kapa ho tsoa lifesetereng hobane li ne li tla choatleha.

Moholoane oa Jerede o etsa majoe a khalase — Moholoane oa Jerede o ile a leba thabeng ´me a etsa majoe a manyenyane a 16 ho tsoa lefikeng. Majoe ao a ne a shebahala joalo ka khalase e hloekileng. O ile a etsa majoe a mabeli sekepe ka seng.

Moholoane oa Jerede o hloa thaba — Moholoane oa Jerede o ile a nka majoe ao ho ea ka holima thaba. Moo o ile a rapela ho Morena.

Moholoane oa Jerede o oa rapela — Moholoane oa Jerede o ile a kopa Morena ho thetsa majoe ao a tle a fane ka khanya ka har´a likepe.

Kreste o tśoara lejoe ka leng — Morena o ile a ts´oara majoe ka monoana oa hae.

Moholoane oa Jerede — Hobane moholoane oa Jerede o ne a ena le tumelo e matla, o ile a bona monoana oa Morena. O ne o ts´oana le monoana oa motho.

Kreste le moholoane oa Jerede — Eaba Morena o itlhahisa ho moholoane oa Jerede.

Jesu Kreste — Jesu o ile a re batho ba lumelang ho eena ba tla fumana bophelo ba bosafeleng.

Jesu o ruta moholoane oa Jerede — Jesu o ile a ruta le ho bontśa moholoane oa Jerede lintho tse ngata. Jesu o ile a mo bolella hore a ngole tseo a i boneng le ho li utloa.

Moholoane oa Jerede o theoha thaba — Moholoane oa Jerede o ile a nka majoe a theoha thabeng. O ile a beha lejoe qetellong e ngoe le e ngoe ea sekepe. A ile a etsa khanya ka har´a likepe.

Likepe ka metsing — Ba-Jerede ba ile ba kena ka likepeng le liphoofolo le lijo. Morena o ile a etsa moea o matla ho fokela likepe lefatśeng la pallo.

Moholoane oa Jerede — Morena o ile a ba sireletsa lifefong tsa leoatle. Baile ba leboha Morena ´me ba mo binela lithoriso.

likepe li fihla lefatśeng la pallo — Kamora matsatsi a 344 ba le metsing, likepe li ile tsa fihla lebopong la lefatśe la pallo.

Ba-Jerede ba a rapela — Ha Ba-Jerede ba etsoa ka har´a likepe, ba ile ba khumama `me ba lla likhapha tsa nyakallo.

Mosali o roetse koro — Ba-Jerede ba ile ba aha mahae ´me ba lema lijalo lefatśeng la pallo. Ba ile ba ruta bana ba bona ho mamela Morena ´me ba mamele mantsoe a hae.