“Khaolo ea 52: Matśoao a ho Thakhisoa ha Kreste,” Lipale tsa Buka ea Mormone (1997), 52
“Khaolo ea 51,” Lipale tsa Buka ea Mormone, 51
Khaolo ea 52
Timelo ea Ba-Jerede
Ba-Jerede ba ile ba eketseha ka palo ´me ea eba barui. Ba ile ba khetha morena ho ba moeta pele oa bona.
Lilemo tse ngata li ile tsa feta, ´me Ba-Jerede ba eba khopo. Morena o ile a romela baporofeta ho ba bolella hore ba bake kapa ba tla timetsoa.
Batho ha ba eaka ba mamela baporofeta. Ba ile ba leka ho ba bolaea.
Ho ile ha ba le lintoa le tlala naheng. Ba-Jaredite ba bangata ba ile ba shoa.
Morena o ile a romela moporofeta e mong ea neng a bitsoa Ethere. O ne a ruta ho tloha hoseng ho fihlela mantsiboea, a bolella Ba-Jaredite ho lumela ho Molimo ´me ba bake.
Ethere o ile a bolella Ba-Jerede hore ha ba ka lumela ho Molimo, ka letsatsi le leng ba tla phela le Ntate ea Maholimong lefatśeng le molemo.
Ethere o ile a bolella Ba-Jerede lintho tse ngata tsa bohlokoa, empa ba se ke ba mo kholoa. Ba ile ba mo leleka motseng.
Ethere o ne a ipata lehaheng nakong ea mots´eare hore ba se ke ba ´molaea. Bosiu o ne a tsoa ho ea bona hore na ho ntse ho etsahala eng ka Ba-Jarede.
O ile a qeta ho ngola nalane ea Ba-Jerede ha a ntse a ipatile.
Morena o ile a romela Ethere ho Koriantumere, eo e neng e le morena ea khopo oa Ba-Jerede. Ethere o ile a ´molella hore a bake kapa o tla phelela feela ho bona batho ba hae ba bolauoe kaofela.
Koriantumere le batho ba hae ha ba ka ba baka. O ile a leka hore Ethere a bolaoe, empa Ethere a baleha ´me a ipata lehaheng.
Batho ba ne ba le khopo hoo Morena a ileng a otla lefatśe. Ba ne ba sa behe lisebelisoa tsa bona kapa lisabole fatśe hobane letsatsing le hlahlamang li tla be li nyametse.
Ba-Jerede bohle ba ne ba loana lintoeng, hammoho le basali le bana. Koriantumere o ne a eteletse pele lebotho le leng ´me monna ea neng a bitsoa Shize o ne a eteletse pele le leng.
Koriantumere le Shize e ne e le banna ba khopo. Moea o Halalelang o ne o tlohetse Ba-Jerede ka labaka la bokhopo ba bona. Satane o ne a na le matla a feletseng holima bona.
Ba-Jerede ba ile ba loana ho fihlela ho setse feela Koriantumere le Shize. Ha Shize a akheha ke ho lahleheloa ke mali a mangata, Koriantumere o ile a khaola hlooho ea hae.
Tśenolo ea Ethere e ile ea phethahala: Koriantumere e ne e le Mo-Jerede oa ho qetela ea setseng a phela. O ile a fumanoa ke batho ba Zarahemla.
Ethere o ile a qeta ho ngola nalane ea Ba-Jerede. Ba ne ba timelitsoe ka lebaka la bokhopo ba bona. Lingoliloeng tsa Ba-Jarede li ile tsa fumanoa ke Ba-Nefi.