“Khaolo ea 53: Moroni le Lithuto tsa Hae,” Lipale tsa Buka ea Mormone (1997), 53
“Khaolo ea 51,” Lipale tsa Buka ea Mormone, 51
Khaolo ea 53
Moroni le Lithuto Tsa Hae
Kamora hore Mormone a shoe, Moroni o ne a setse a le mong. O ile a qetela lingoliloeng tseo ntata´e a neng a mo file tsona.
Moroni o ne a tseba hore ka letsatsi le leng matlapa ao a khauta a tla fumanoa ka tlasa mobu.
Mantsoe a matlapeng a khauta a bolela ka Jesu Kreste. A pakahatsa le ho ruta batho hore ba phele ka bohloeki.
Ba-Lamane ba khopo ba ile ba bolaea Mo-Nefi e mong le e mong ea neng a sa latole Jesu Kreste.
Moroni o ne a ke ke a latola Jesu kreste. O ne a tsamaea hohle,ho ipatela Ba-Lamane.
Moroni o ile a ngola haholo matlapeng a khauta, haholo-holo ho Ba-Lamane ba matsatsi a ho qetela.
O ile a ngola lintho tse ngata, ho kenyeletsa mantsoe a lithapelo tsa Selallo.
Moroni o ile a ngola hore batho ba ka kolobetsoang ke bao ba ikemiselitseng ho bakela libe tsa bona ´me ba sebeletse Jesu Kreste.
Moroni o ne a batla bohle ba lumele ho Jesu kreste ´me ba tle ho eena. O ile a re tsohle tse molemo li tsoa ho Jesu Kreste.
Moroni o ile a ngola hore ha batho ba rata Molimo ´me ba mo latela, ba ka fihlela ho phethehala.
Moroni o ne a tseba hore kamora lefu la hae o tla tsoha bafung ´me o tla phela le Ntate ea Maholimong le Jesu Kreste.