Khaolo ea 27

Koriho

Monna ea bitsoang Koriho o ile a fihla Zarahemla. O ne a sa lumele ho Jesu Kreste ´me a ruta hore seo baporofeta ba se buileng ka Mopholosi e ne e se ´nete.

Alma 30:6 , 12 – 14

Koriho o ile a bolella batho hore e ne e le liphoqo ka ho lumela hore Jesu o tla tla lefatśeng ´me a utloisoe bohloko bakeng sa libe tsa bona.

Alma 30:16

O ile a re batho ba ke ke ba ahloleloa libe tsa bona hobane ho ne ho sena bophelo kamorao ho lefu. Batho ba bangata ba ile ba kholoa Koriho. Ba ile ba fetoha ho ba khopo.

Alma 30:17 - 18

Koriho o ile a leka ho ruta batho ba Ammone, empa ba ka ba ba mo mamela. Ba ile ba mo tlama ´me ba mo lebisa ho Ammone, eo a ileng a mo leleka motseng.

Alma 30:19 - 21

Koriho o ile a ea naheng ea Gideone, empa batho moo ha ba ka ba mo mamela le bona. Moahloli e moholo o ile a mo romela ho Alma.

Alma 30:21, 29

Alma o ile a botsa Koriho hore na o lumela ho Molimo. Koriho o ile a re ha a lumele. Alma o ile a paka hore Molimo o teng le hore Jesu o tla tla.

Alma 30:37 - 39

Koriho o ne a batla Alma a etse mohlolo ho bontśa hore Molimo o teng. Koriho o ile a re o tla lumela ho Molimo ha a ka bona letśoao la matla a Molimo.

Alma 30:43

Alma o ile a bolella Koriho hore o se a ile a bona mats´oao a mangata a matla a Molimo ka mangolong a halalelang le mapaki a baporofeta bohle.

Alma 30:44

Alma o ile a re lefatśe le tsohle tse ho lona le ho tsamaea ha linaleli leholimomg li boetse ke matśoao a hore Molimo o teng.

Alma 30:44

Koriho o ile a nna a hana ho lumela. Alma o ne a hloname ka lebaka la bokhopo ba Koriho ´me a mo hlokomelisa hore moea oa hae o ka nna oa timela.

Alma 30:45 - 46

Koriho o ne a ntse a batla letśoao le pakang hore Molimo o teng. Alma o ile a re letśoao ho tsoa ho Molimo e tla ba hore Koriho ha na khona ho bua.

Alma 30:48 - 49

Kamora hore Alma a bue seo, Koriho o ne a se a sa tsebe ho bua.

Alma 30:50

Koriho o ile a ngola hore o oa tseba hore letśoao leo le ne le tsoa ho Molimo ´me o ne a ntse a tseba hore Molimo o teng. O ile a kopa Alma ho rapela ´me a tlose kotlo eo.

Alma 30:52,54

Alma o ne a tseba hore ha Koriho a ka tseba ho bua hape o tla bua leshano hape bathong. Alma o ile a re Morena o tla etsa qeto ea hore Koriho a tle a tsebe ho bua hape na.

Alma 30:55

Morena ha ka a fa Koriho ho tseba ho bua hape. Koriho o ne a ea ntlo le ntlo, a kopa lijo.

Alma 30:56

Moahloli e moholo o ile a romela lengolo lefatśeng leo ka bophara a bolela ka se etsahaletseng ho Koriho. O ile a bolella bao ba neng ba lumetse Koriho hore ba bake. Batho ba ile ba baka.

Alma 30:57 - 58

Koriho o ile a ilo phela le Ba-Zorame. Ka letsatsi le leng ha a ntse a kopa, o ile a hatikeloa a ba a shoa.

Alma 30:59