“Khaolo ea 33: Ba Marena Khahlanong le Ba Tokoloho,” Lipale tsa Buka ea Mormone (1997), 91–92
“Khaolo ea 33,” Lipale tsa Buka ea Mormone 91–92
Khaolo ea 33
Ba Marena Khahlanong le Ba Tokoloho
Ba bang ba Ba-Nefi ba ne ba batla hore moahloli e moholo, Pahorane, a fetole e meng ea melao.
Ha Parohane a hana, batho ba ile ba halefa ´me ba batla ho tlosa Parohane joaloka moahloli e moholo. Ba ne ba batla ho ba le morena, e seng baahloli.
Ba bitsoa ba marena, ba ne ba tśepile hore e mong oa bona e tla ba morena ´me a be le matla holima batho.
Ba-Nefi ba neng ba batla ho boloka Parohane e le moahloli e moholo ba ne ba bitsoa ba tokoloho. Ba ne ba batla bolokolohi ba ho khetha kamoo ba phelang le ho khumamela.
Batho ba ile ba khetha pakeng tsa batho ba tokoloho le batho ba marena. Boholo ba bona bo ile ba khetha batho ba tokoloho.
Ka nako eona eo, Amalickia o ne a ntse a bokella lebotho le leholo la Ba-Lamane ho tla hlasela Ba-Nefi.
Ha batho ba marena ba utloa hore Ba-Lamane ba ea tla, ba ne ba thabile ´me ba hana ho thusa ho sireletsa naha ea bona.
Molaoli Moroni o ne a halefetse batho ba marena ha ba sa loane. O ne a sebelitse ka thata ho boloka Ba-Nefi ba lokolohile.
O ile a kopa ´musi matla a ho qobella ba marena ho loana kapa ba bolaoe.
Ha ´musi, Parohane, a fa Moroni matla, Moroni o ile a etella lebotho la hae pele khahlanong le banna ba marena.
Banna ba bangata ba marena ba ile ba bolaoa; ba bang ba ile ba koalloa chankaneng. Ba setseng ba ile ba lumela ho thusa ho sireletsa naha ea habo bona khahlanong le Ba-Lamane.