“Khaolo ea 8: Ho Tśela Leoatle,” Lipale tsa Buka ea Mormone (1997), 23–24
“Khaolo ea 8,” Lipale tsa Buka ea Mormone, 23–24
Khaolo ea 8
Ho Tśela Leoatle
Morena o ile a bolella Lehi hore a kene sekepeng seo ba se ahileng le lelapa la hae. Ba ile ba kena le litholoana, nama, le mahe a linot´si le lipeo tseo ba ilo li lema lefatśeng la pallo.
Meea e matla e ile ea fokela sekepe ho leba lefats´eng la pallo.
Lamane, Lemuele, le ba bang ba ile ba qala ho ba khopo. Ha Nefi a ba bolella hore ba tlohele seo, ba ile ba halefa ´me ba mo fasa ka lithapo.
Ka lebaka la bokhopo ba bona, Liahona e ile ea emisa ho sebetsa. Ba ne ba sa tsebe hore ba khannele sekepe hokae. Sefefo se tśabehang se ile sa fokela sekepe morao bakeng sa matsatsi a mararo.
Lehi o ile a bolella Lamane le Lemuele ho tlamolla Nefi, empa ba se ke ba mo mamela. Lehi le Sariah ba ile ba koata hoo ba ileng ba kula.
Mosali oa Nefi le bana ba ile ba lla. Ba kopa Lamane le Lemuele ho tlamolla Nefi, empa bao ba latola.
Ka letsatsi la bone sefefo sa mpefala. Sekepe se ne se le makhatheng a ho teba.
Lamane le Lemuele ba ile ba tseba hore Molimo o romeletse sefefo seo. Ba ne ba tśohile hore ba tla khangoa ke metsi.
Qetellong Lamane le Lemuele ba ile ba baka ´me ba tlamolla Nefi. Leha e le hore manonyeletso a hae a matsoho le maqaqailana a ne a ruruhile ´me a le bohloko ke ho tlangoa ka lithapo, Nefi ha a ka a belaela.
Nefi o ile a nka Liahona ´me e ile ea sebetsa hape. Nefi o ile a rapela ´me moea oa thola. Leoatle la kokobela.
Nefi o ile a qhoba sekepe, ´me sa tsamaea hape se lebile lefatśeng la pallo.