Khaolo ea 4

Matlapa a Tśepe e Khubelu

Lehi o ile a bolella Nefi hore Morena o batla eena le baholoane ba hae ba khutlele Jerusalema. Ba ne ba ilo lata matlapa a tśepe e khubelu ho monna ea neng a bitsoa Labane.

1 Nefi 3:2–4

Matlapa a tśepe e khubelu a ne a na le litaba tsa bohlokoa. Tse neng li bua ka baholo-holo ba Lehi ´me a tśetse mantsoe a Molimo ao a a senotseng ka baporofeta.

1 Nefi 3:3, 20

Lamane le lemuele ba ne ba sa batle ho khutla ho ea lata matlapa a tśepe e khubelu. Ba ile ba re ho tlo ba thata ho etsa joalo. Ba ne ba sena tumelo ho Morena.

1 Nefi 3:5

Nefi o ne a batla ho mamela Morena. O ne a tseba hore Morena o tlo mo thusa le baholoane ba hae ho fumana matlapa a tśepe e khubelu ho tsoa ho Labane.

1 Nefi 3:7

Lamane, Lemuele, Seme, le Nefi ba tsamaile ho leba Jerusalema ho ea lata matlapa a tśepe e khubelu.

1 Nefi 3:9

Lamane o ile ho Labane ´me a kopa matlapa a tśepe e khubelu.

1 Nefi 3:11–12

Labane o ne a halefile ´me a hana ka matlapa a tśepe e khubelu. Labane o ne a batla ho bolaea Lamane, empa Lamane a baleha.

1 Nefi 3:13–14

Lamane a bolella bana babo se etsahetseng. O ne a tśohile ´me a batla ho tlohella ´me a khutlele lefelleng ho ntat’a bona.

1 Nefi 3:14

Nefi a re ba ke ke ba khutla ba sena matlapa a ts´epe e khubelu. A bolella baholoane ba hae ho ba le tumelo ho Morena ´me ba tla khona ho fumana matlapa a tśepe e khubelu.

1 Nefi 3:15–16

Nefi le baholoane ba hae ba ile ba ea lehaeng la bona la khale le Jerusalema ´me ba bokella khauta le selivera tsa bona ho ea fana ka tsona bakeng sa matlapa a tśepe e khubelu.

1 Nefi 3:22

Ba ile ba bonts´a Labane maruo a bona ´me ba re ba tla mo fa ona ha a ka ba fa matlapa. Ha Labane a bona khauta ea bona le selivera,o ne a li batla bakeng sa hae ´me a ba leleka.

1 Nefi 3:24–25

Labane a bolella banna ba hae ho bolaea bara ba Lehi. Nefi le baholoane ba hae ba ile ba baleha ´me ba ipata ka lehaheng. Labane o ile a ikhapela khauta ea bona le selivera.

1 Nefi 3:25–27

Lamane le Lemuele ba ne ba halefetse Nefi. Ba ile ba otla Nefi le Seme ka thupa.

1 Nefi 3:28

Lengeloi la hlaha ´me la bolella Lamane le Lemuele hore ba emise. O ile a re Morena O tla ba thusa ho fumana matlapa ao. A boela a re Nefi e tla ba moetapele oa baholoane ba hae.

1 Nefi 3:29

Nefi o ile a bolella baholoane ba hae hore ba be le tumelo ho Morena ´me ba se tśabe Labane le banna ba hae. Nefi a khothaletsa baholoane ba hae ho khutlela Jerusalema.

1 Nefi 4:1–4

Bosiung boo baholoane ba Nefi ba ipata ka ntle ho lerako la motse ha Nefi a nanyetsa ka hare. O ile a leba ntlong ea Labane.

1 Nefi 4:5

Ha Nefi a le haufi le ntlo ea Labane, a bona monna ea tahiloeng a rapaletse fatśe. E ne e le Labane.

1 Nefi 4:6 - 8

Nefii a bona sabole ea Labane ´me a e nka. Moea o Halalelang oa bolella Nefi ho bolaea Labane, empa Nefi o ne a sa batle ho mo bolaea.

1 Nefi 4:9–10

Moea o Halalelang oa boela oa bolella Nefi ho bolaea Labane hore Nefi a tle a tsebe ho fumana matlapa a tśepe e khubelu. Lelapa la Lehi le ne le hloka matlapa ao hore ba tle ba tsebe ho ithuta evangeli.

1 Nefi 4:12, 16–17

Nefi o ile a mamela Moea o Halalelang ´me a bolaea Labane. Eaba Nefi o apara liaparo le lihlomo tsa Labane.

1 Nefi 4:18–19

Nefi a leba ka tlung ea Labane ´me a kopana le Zorame, mosebeletsi oa Labane. Nefi o ne a shebahala le ho utloahala joalo ka Labane.

1 Nefi 4:20

A bolella Zorame ho ea lata matlapa a tśepe e khubelu. Zorame o ne a nahana hore Nefi ke Labane, eaba o mo fa matlapa. Nefi a bolella Zoram hore a mo latele.

1 Nefi 4:21, 24–25

Lamane, Lemuele, le Seme ba bona Nefi a tla ´me ba ne ba tśohile; ba ne ba nahana hore ke Labane. Ba qala ho baleha empa ba ema ha Nefi a ba hoeletsa.

1 Nefi 4:28–29

Eaba Zorame oa hlokomela hore Nefi ha se Labane, ´me a leka ho baleha. Nefi a tśoara Zorame ´me a mo tśepisa ho se mo lematse ha a ka tsamaea le eena Nefi ho ea lefelleng.

1 Nefi 4:30–33

Zorame o ile a lumela. Nefi le baholoane ba hae ba tsamaea le Zorame le matlapa a tśepe e khubelu ´me ba khutlela ho Lehi le Saria.

1 Nefi 4:35, 38

Ba ile ba fa Lehi matlapa a tśepe e khubelu. Eena le Saria ba ne ba thabile ha bara ba bona ba bolokehile. Bohle ba ile ba nyakalla ´me ba leboha Molimo.

1 Nefi 5:1, 9

Lehi o ile a bala matlapa a tśepe e khubelu. A ne a bua ka Adama le Eva le ka popo ea lefatśe. A ne a tśetse mantsoe a baporofeta ba bangata.

1 Nefi 5:10–11, 13

Lehi le Nefi ba ne ba thabile hobane ba ne ba mametse Morena ´me ba khonne ho fumana matlapa a tśepe e khubelu.

1 Nefi 5:20–21

Lelapa la Lehi le ile la boloka matlapa a tśepe e khubelu ho tsamaea ka oona leetong la bona hore ba tle ba tsebe ho ruta bana ba bona melao e neng e ngotsoe matlapeng ao.

1 Nefi 5:21–22