“Khaolo ea 49: Mormone le Lithuto tsa Hae,” Lipale tsa Buka ea Mormone (1997), 138–42
“Khaolo ea 49,” Lipale tsa Buka ea Mormone, 138–42
Khaolo ea 49
Mormone le Lithuto tsa Hae
Lilemo tse ngata kamora hore Jesu Kreste a etele Ba-Nefi, sehlopha se senyenyane se ile sa tsoa Kereke ´me sa ipitsa Ba-Lamane.
Qetellong ha batla batho bohle ba ba khopo, Ba-Nefi le Ba-Lamane.
Monna ea neng a lokile, Ammarone, o ne a ena le lingoliloeng tse halalelang. Moea o Halalelang o ile oa mo bolella hore a li pate hore li tle li bolokehe.
Ammarone o ile a bolella Mormone, moshanyana ea lilemo li 10, moo a patileng lingoliloeng tseo. Ammarone o ne a tseba hore a ka tśepa Mormone.
Ha a le lilemo li 24, Mormone o ne a tlameha ho ea lata matlapa a Nefi ´me a ngole ho oona ka batho ba habo.
Ha Mormone a le lilemo li 11, ntoa e ile ea qaleha pakeng tsa Ba-Nefi le Ba-Lamane. Ba-Nefi ba ile ba hlola, ´me ha ba le khotso hape.
Empa Ba-Nefi ba ile ba eba khopo hoo Morena a ileng a nka barutuoa ba bararo, ho ileng ha felisa mehlolo le lipholiso. Moea o Halalelang o ne o se o sa tataise batho.
Ha Mormone a le lilemo li 15, Jesu Kreste o ile a mo etela. Mormone o ile a ithuta haholo ka Molopolli le ho loka ha hae.
Mormone o ne a batla ho ruta batho, empa Jesu a mo bolella hore a se ke a etsa joalo hobane batho ba ne ba le khopo haholo. Lipelo tsa bona li ne li fetohetse khahlanong le Molimo.
Kapele ntoa e ngoe ea qala. Mormone o ne a shahlile a le matla, ´me Ba-Nefi ba mo khetha bo ba etella pele lebotho la bona.
Ba-Nefi ba ile ba loantśa Ba-Lamane lilemo tse ngata. Mormone o ne a khothaletsa batho ba habo ho loanela malapa le mahae a bona.
Ba-Nefi ba ne ba se ba le khopo,hoo, Morena a neng a se a sa ba thuse.
Mormone o ile a bolella Ba-Nefi hore ba tla bolokeha ha feela ba ka baka ´me ba kolobetsoa. Batho ba ile ba hana.
Ba ne ba ipolelisa ka matla a bona, ba re ba tla bolaea Ba-Lamane bohle. Ka lebaka la bokhopo ba Ba-Nefi,Mormone o ile a hana ho ba etella pele.
Ba-Lamane ba ile ba qala ho hlola Ba-Nepfi ntoeng tsohle. Mormone o ile a etsa qeto ea ho etella Ba-Nefi pele hape.
O ne a tseba hore ba-Nefi ba khopo ba ke ke ba hlola ntoeng. Ba ne ba sa bake kapa ho rapella thuso eo ba neng ba e hloka.
Mormone o ile a nka lingoliloeng tsohle leralleng leo Ammarone a neng a li patile teng ´me a ngolla batho bao ka letsatsi le leng ba tlang ho bala lingoliloeng tseo.
O ne a batla bohle, ho kenyelelitsoe le Ba-Juda, ho tseba ka Jesu Kreste, ho baka le ho kolobetsoa, le ho phela evangeli ´me ba hlohonolofale.
Moea o Halalelang o ile oa nyenyeletsa Mormone ho beha matlapa a manyenyane a Nefi, a neng a ena le litśenolo tsa ho tla ha Kreste, le matlapa a Mormone.
Mormone o ile a etella pele Ba-Nefi ho leba lefatśeng la Kumora, moo ba ileng ba itokisetsa ho loana le Ba-Lamane hape.
Mormone o ne a se a tsofala. O ne a tseba hore ena e tlo ba ntoa ea hae ea ho qetela. O ne a sa batle hore Ba-Lamane ba fumane lingoliloeng tse halalelang ´me ba li senye.
´Me o ile a fa mora oa hae, Moroni, matlapa a Mormone ´me a tsetela a mang ohle leralleng la Kumora.
Ba-Lamane ba ile ba bolaea bohle ntle le Ba-Nefi ba 24. Mormone o ne a lemetse.
Mormone o ne a hloname hore Ba-Nefi ba bangata ba ne ba shoele, empa o ne a tseba hore ke hobane ba ne ba fetohetse Jesu.
Mormone o ne a lekile ho ruta Ba-Nefi ´nete. O ne a ba boleletse hore na ho bohlokoa ha kakang ho ba le tumelo ho Jesu Kreste.
O ne a lekile ho ba ruta ho ba le tśepo ka Sehlabelo sa Jesu Kreste le ho ba le lerato, e leng lerato le hloekileng la Jesu Kreste.
´Me Mormone o ne a ngoletse mora oa hae mangolo, Moroni, eo le eena a ileng a ruta Ba-Nefi evangedi.
Mormone o ile a ngola ka bokhopo bo tśabehang ba Ba-Nefi. O ile a bolella Moroni ho lula a ts´epahetse ho Jesu Kreste.
Ba-Lamane ba ile ba bolaea Mormone le Ba-Nefi bohle ntle le Moroni, ea ileng a qetela ho ngola lingoliloeng.