Lipale tsa Mangolo a Halalelang

Khaolo ea 18: Alma e Monyenyane oa Baka

“Khaolo ea 18: Alma e Monyenyane oa Baka,” Lipale tsa Buka ea Mormone (1997), 49–52

“Khaolo ea 18,” Lipale tsa Buka ea Mormone, 49–52

Khaolo ea 18

Alma e Monyenyane oa Baka

Alma o bea batho ba bang matsoho — Morena Mosaia o ile a etsa Alma moetapele oa Kereke e Zarahemla. Alma o ile a khetha banna ba bang ho mo thusa ho ruta Ba-Nefi.

Balumeli ba hlorisoa — Alma le Morena Mosaia ba ne ba tśoenyehile hobane ba sa lumeleng ba ne ba sotla litho tsa kereke ka lebaka la tumelo ea bona.

Alma e Monyenyane — Alma o ne a na le mora ea neng a bitsoa Alma. Alma e Monyenyane o ne a sa lumele ho lithuto tsa ntata´e ´me a fetoha monna ea khopo.

Alma e Monyenyane le bara ba Morena Mosaia — Alma e Monyenyane le bara ba bane ba Morena Mosaia ba ne ba loana khahlonong le Kereke. Ba ile ba khothaletsa batho ba bangata ho tsoa Kereke ´me ba fetohe ho ba ba khopo.

Alma o oa rapela — Alma o ile a rapela hore mora oa hae a ke a ithute ´nete ´me a bake.

Alma e Monyenyane le bara ba Morena Mosaia — Alma e Monyenyane le bara ba Morena Mosaia ba ile ba tsoela pele ho leka ho senya kereke.

Lengeloi le itlhahisa bathong — Ka letsatsi le leng lengeloi la itlhahisa ho bona. Lengeloi le ile la bua ka lentsoe le ileng la tsitsinya lefatśe.

Bahlankana ba tśosoa ke lengeloi — Bahlankana bana ba bahlano ba ile ba tśoha hoo ba ileng ba oela fatśe. Qalong ba ne ba sa utloisisi seo lengeloi le neng le se bua.

Lengeloi le bua le Alma e Monyenyane — Lengeloi le ne le tlile e le karabo ea lithapelo tsa litho tsa Kereke. Lengeloi le ile la botsa Alma e Monyenyane hore ke hobaneng a ne a loana khahlanong le kereke.

Alma e Monyenyane — Lefatśe le ile la sisinyeha ha lengeloi le bolella Alma e Monyenyane hore a tlohele ho leka ho senya kereke.

Bashanyana ba oela fatśe — Alma e Monyenyane le bara ba Mosaia ba ile ba oela fatśe hape. Ba ne ba bone lengeloi, ´me ba ne ba tseba hore matla a Molimo ke oona a sisintseng lefatśe.

Alma e Monyenyane o fatśe — Alma e Monyenyane o ile a makala hoo a ileng a sitoa ho bua. O ile a felloa ke matla hoo a neng a sitoa le ho tsamaisa matsoho.

Alma e Monyenyane oa jaruoa — Bara ba Mosaia ba ile ba isa Alma e Monyenyane ho ntata´e ´me ba mo bolella tsohle tse ba etsahaletseng.

Alma o oa rapela — Alma o ne a thabile. O ne a tseba hore Molimo o arabile lithapelo tsa hae.

Alma e Monyenyane o malaong — Alma o ile a bitsa batho ba bangata ´moho ho tla bona seo Morena a se entseng ho mora oa hae le bara ba Mosaia.

Alma o hlohonolofatsa mora oa hae — Alma, ´moho le baetapele ba bang ba Kereke, ba ile ba itima lijo ba rapela ´me ba kopa Molimo a thuse Alma e Monyenyane ho matlafala hape.

Alma e Monyenyane o bua le ntata´e — Kamora matsatsi a mabeli le masiu, Alma e Monyenyane o ile a khona ho bua le ho sisinyeha.

Alma e Monyenyane o bua le ba bang — O ile a bolella batho hore o bakile libeng tsa hae ´me Molimo o mo tśoaretse.

Alma e Monyanyane o oa ruta — O ile a ruta hore motho e mong le e mong o tlamea ho fetoha motho ea lokileng hore a tsebe ho kena ´musong oa Molimo. O ile a boela a ba bolella ka bohlokohali boo a bo utloileng ka lebaka la libe tsa hae.

Alma e Monyenyane — Alma e Monyenyane o ne a thabile hobane o ne a bakile ´me Molimo a mo tśoaretse. O ne a tseba hore Molimo o ea mo rata.

Banna ba ea ruta — Alma e Monyenyane le bara ba Morena Mosaia ba ile ba qalella ho ruta ´nete lefatśeng leo ka bophara, ba bolella bohle ka tseo ba ileng ba li bona le ho li utloa.

Alma e Monyenyane o ruta batho — Ba ne ba leka ho etsolla bobe boo ba neng ba ile ba bo etsa. Ba ne ba hlalosa mangolo a halalelang ho batho ´me ba ba ruta ka Jesu Kreste.

Alma e Monyenyane o kolobetsa ba bang — Molimo o ile a hlohonolofatsa Alma e Monyenyane le bara ba Mosaia ha ba ntse ba ruta evangeli. Batho ba bangata ba ile ba ba mamela ´me ba lumela.