“Khaolo ea 50:Ba-Jerede Ba Tloha Babele Lipale tsa Buka ea Mormone (1997), 143–44
“Khaolo ea 50,” Lipale tsa Buka ea Mormone, 143–44
Khaolo ea 50
Ba-Jerede Ba Tloha Babele
Boholo ba batho Babele ba ne ba le khopo. Ba ile ba aha tora ho leka ho ea maholimong. Morena o ile a halefa ´me a fetola puo ea bona.
Jerede o ile a kopa moholoane oa hae ho rapela ´me a kope hore Morena a se fetole puo ea ba lelapa le metsoalle ea bona.
Moholoane oa Jerede o ile a rapela, ´me Morena a araba thapelo ea hae. Jarede, moholoane oa hae, le malapa a bona le metsoalle ba ne ba ntse ba utloana.
Morena o ile a bolella moholoane oa Jerede ho bokella lelapa labo le metsoalle ´me ba tlohe lefatśeng leo. Ba ile ba nka liphoofolo le lipeo tsa mefuta eohle.
Morena o ile a re o tla lebisa Ba-Jarede lefatśeng la pallo.
Ba-Jerede ba ile ba tśoara linonyana le litlhapi hore ba tsamaee ka tsona.
Ba ile ba nka le mahe a linotśi
Ba-Jerede ba ile ba tsamaea lefelleng. Molimo o ile a bua le bona ho tsoa lerung ´me a ba bolella hore ba tsamaee le kae.
Morena o ile a re batho ba phelang lefatśeng la pallo ba tlameha ho sebeletsa Molimo kapa ba tla timetsoa.
Ha Ba-Jerede ba fihla lebopong la leoatle, ba ile ba hloma litente tsa bona. Ba ile ba phela pela leoatle lilemo tse nne.