“Khaolo ea 20: Alma le Nehore,” Lipale tsa Buka ea Mormone (1997), 54–55
“Khaolo ea 20,” Lipale tsa Buka ea Mormone 54–55
Khaolo ea 20
Alma le Nehore
Pele Morena Mosaia a shoa, o ile a khetha baahloli ho etella sechaba pele. Alma e Monyenyane e ile ea eba eena Moahloli oa pele e moholo. E ne e boetse e le moeta pele oa Kereke.
Monna e mong, oa senatla ea matla ea neng a bitsoa Nehore a qala ho ruta mashano. O ne a re batho bohle ba tla pholosoa hore na ba lokile kapa ba fosahetse. Batho ba bangata ba ile ba kholoa Nehore.
Nehore o ne a ruta khahlanong le Kereke ea Molimo, empa monna ea lokileng ea neng a bitsoa Gideone o ile a e sireletsa. Nehore o ne a ngangisana le Gideone, empa Gideone o ne a bua ka mantsoe a Molimo.
Nehore o ile a halefa ´me a hula sabole ea hae ´me a bolaea Gideone.
Nehore o ile a isoa ho Alma ho ea ahloloa. Nehore o ile a ipuella ka sebete.
Empa Alma o ile a re Nehore o molato hobane o ne a ruta batho ho ba khopo ´me a le Gideone.
Alma a re Nehore o tlameha ho fuoa kotlo ea ho bolaea Gideone. Ho latela molao, Nehore o ne a tlameha ho bolaoa.
Nehore o ile a nkeloa leralleng le haufi ´me a bolaoa. Pele a shoa o ile a re tsohle tseo a neng a li rutile li ne li fosahetse. Empa batho ba bangata ba ne ba ntse ba khotsoe lithuto tse mpe tsa Nehore.
Batho bana ba ne ba rata maruo ´me ba ne ba sa mamele melao ea Molimo. Ba ne ba etsa metlae ka litho tsa Kereke ´me ba ngangisana le ho ba loantśa.
Batho ba lokileng ba ile ba tsoelapele ho mamela melao ´me ba ne ba sa tletlebe le ha balateli ba Nehore ba ne ba ba utloisa bohloko.
Litho tsa Kereke li ne li arolelana tsohle tseo ba nang le tsona le ba hlokang, ´me ba ne ba hlokomela ba kulang. Ba ne ba mamela melao ´me Molimo o ile a ba hlohonolofatsa.