“Khaolo ea 16: Morena Limhi le Batho Ba Hae Ba Phonyoha,” Lipale tsa Buka ea Mormone (1997), 45–46
“Khaolo ea 16,” Lipale tsa Buka ea Mormone, 45–46
Khaolo ea 16
Morena Limhi le Batho Ba Hae Ba Phonyoha
Ba-Lamane ba ile ba tśoara Ba-Nefi ba bangata ba neng ba sa baleha le Morena Noah. Ba-Lamane ba ile ba tsamaea le bona ´me ba ba fa lefatśe empa ba ba lefisa lekhetho le boima.
Ba-Nefi ba ile ba etsa Limhi morena oa bona e mocha. Limhi e ne e le mora oa Morena Noah, empa o ne a se khopo joalo ka ntata´e. E ne e le monna ea lokileng.
Morena Limhi o ile a leka ho etsa khotso le Ba-Lamane, empa ba ile ba tsoelapele ho lebela Ba-Nefi ´me ba le khopo ho bona.
Ka letsatsi le leng Morena Limhi o ile a bona baeti ka ntle ho motse. O ile a ba hlahlela chankaneng. Baeti bana e ne e le Ba-Nefi ba tsoang Zarahemla.
Moetapele oa bona o ne a bitsoa Ammone. Morena Limhi o ne a thabetse ho ´mona. O ne a tseba hore Ammone a ka thusa batho ba hae ho baleha ho Ba-Lamane.
Morena Limhi o ile a bitsa Batho ba hae ´moho. O ile a ba hopotsa hore libe tsa bona ke tsona lebaka la hore ebe ba tśoeroe ke Ba-Lamane.
O ile a bolella batho ba hae ho baka, ba tśepe Molimo, ´me ba mamele melao. ´Me Molimo o tla ba thusa ho baleha.
Ba-Nefi ba ile ba ithuta hore Ba-Lamane ba neng ba lebela motse ba ne ba atisa ho taoa bosiu.
Bosiung boo Morena Limhi a romela veine e ngatanyana ho balebeli e le mpho.
Morena Limhi le batho ba hae ba ile ba khona ho feta feela balebeling ba neng ba tahiloe ´me ba phonyoha.
Ammone o ile a etella pele Morena Limhi le batho ba hae lefelleng ho ea Zarahemla, moo ba fihlileng ba amoheloa.