Khaolo ea 42

Matśoao a ho Thakhisoa ha Kreste

Lilemo tse mashome a mararo a metso e meraro li ne li fetile esale batho ba ne ba bone matśoao a tsoalo ea Jesu Kreste.

3 Nefi 8:2

Joale ba ne ba lebeletse matśoao a lefu la hae: matsatsi a mararo a lefifi.

3 Nefi 8:3

Ba bang ba ne ba sa lumele hore matśoao ao a tla fihla. Ba ne ba ngangisana le ba neng ba lumela.

3 Nefi 8:4

Ka letsatsi le leng hoa ba le sefefo se matla. Ho ne ho na le moea o tśosang

3 Nefi 8:5–6

Lehalima le ile la tsekema, ´me letolo la sisinya lefatśe lohle.

3 Nefi 8:6–7

Motse oa Zarahemla o ile oa chesoa ke mollo. Motse oa Moroni o ile oa teba leoatleng. Motse oa Moronihaha o ile oa tseteleha.

3 Nefi 8:8–10

Ho reketla ha lefatśe ho ile ha sisinya lefatśe lohle. Litsela li ile tsa peperana, ´me meaho ea oela. metse e mengata e ile ea timela, ´me batho ba bangata ba ile ba shoa.

3 Nefi 8:12–15

Sefefo le ho reketla ha lefatśe li ile tsa etsahala nako ea lihora tse ka bang tharo.

3 Nefi 8:19

Ha sefefo le ho reketla ha lefatśe li fela, lefifi le leholo le ile la aparela naha. Ho ne ho sena khanya hohle. Batho ba ne ba bile ba khona ho utloa lefifi.

3 Nefi 8:19–20

Lefifi le ile la nka matsatsi a mararo. Mabone a ne a hana ho tuka, ´me batho ba ne ba sa bone letsatsi, khoeli, kapa linaleli.

3 Nefi 8:21–23

Batho ba ne ba lla ka lebaka la lefifi, timelo, le lefu. Ba ne ba soabile hore ba ne ba sa bakela libe tsa bona.

3 Nefi 8:23–25

Eaba batho ba utloa lentsoe la Jesu Kreste.

3 Nefi 9:1, 15

Jesu o ile a ba bolella ka timelo e tśabehang lefatśeng leo. O ile a re ba neng ba le khopo ka ho fetisisa ba bolailoe.

3 Nefi 9:12–13

O ile a re bao ba sa bolaoang ba hloka ho baka. Ha ba ka baka ´me ba khutlela ho eena, o tla ba hlohonolofatsa.

3 Nefi 9:13–14

Batho ba ne ba maketse kamora ho utloa lentsoe hoo ba ileng ba tlohela ho lla. Tsohle li ile tsa khutsa lihora tse ngata.

3 Nefi 10:1–2

Eaba Jesu o bua hape, o re ke ka makhetlo a leka ho thusa batho bao. Ha ba ka baka hona joale, ba ka khutlela ho eena.

3 Nefi 10:3–6

Kamora matsatsi a mararo lefifi le ile la tloha. Batho ba ile ba nyakalla ´me ba leboha Morena ka thabo.

3 Nefi 10:9–10