“Khaolo ea 41: Matśoao a Tsoalo ea Kreste,” Lipale tsa Buka ea Mormone (1997), 114–16
“Khaolo ea 41,” Lipale tsa Buka ea Mormone, 114–16
Khaolo ea 41
Matśoao a Tsoalo ea Kreste
Nefi, mora oa Helamane, o ile a fa lingoliloeng tse halalelang le mangolo a halalelang ho mora oa hae e moholo, Nefi.
Ba-Nefi ba ile ba bona matśoao a maholo le mehlolo eo baporofeta ba neng ba ile ba re e tla etsahala pele ho tsoalo ea Jesu Kreste.
Empa Ba-Nefi ba bang ba ne ba re nako ea tsoalo ea Jesu e fetile. Ba ne ba tśeha ka bao ba neng ba ntse ba lumela tśenolo tsa Samuele oa Mo-Lamane.
Batho ba neng ba lumela ho Jesu Kreste le ho baporofeta ba ne ba hloname ha ba nahana hore ho ka ba le ho hong ho ka sitisang litśenolo ho phethahatsoa.
Batho ba ile ba lebella ka tśepo ka bosiu bo se nang ho ba lefifi, e leng letśoao la hore Jesu Kreste o tla tsoaloa.
Ba neng ba sa lumele ho Jesu Kreste ba ile ba khetha letsatsi leo ba tlang ho bolaea balumeli haeba letśoao leo le so etsahale.
Nefi o ne a hloname ka lebaka la bokhopo ba bao ba neng ba sa lumele ho Mopholosi.
Nefi o ile a rapela letsatsi lohle bakeng sa batho ba neng ba tla bolaoa.
Morena o ile a tśelisa Nefi ´me a mo bolella hore ha hona ho ba lefifi bosiung boo. Jesu o tla tsoaloa letsatsing le hlahlamang Bethelehema.
Bosiung boo letsatsi le ile la likela, empa ha ho ka ha ba lefifi. Letśoao la tsoalo ea Jesu le ile la fihla. Batho ba ne ba maketse.
Bao ba neng ba rerile ho bolaea balumeli ba ile ba oela fatśe ´me ba shebahala e ka ba shoele.
Ba ne ba ts´ohile hobane ba ne ba bile khopo. Joale ba ne ba tseba hore Molopolli o tla tsoaloa ´me baporofeta ba ne ba nepile.
Ho ile ha khanya bosiu bohle. Ha letsatsi le chaba hoseng ho hlahlamang, batho ba ne ba tseba hore Jesu Kreste o tla tsoaloa tsatsing leo. Boporofeta bo ne bo phethahalitsoe.
Naleli e ncha e ile ea hlaha leholimong, joalo ka ha baporofeta ba ne ba boletse hore ho tla etsahala.
Satane o ile a nna a leka ho etsa hore batho ba se lumele matśoao ao ba a boneng, empa boholo bo ile ba lumela.
Nefi le baetapele ba bang ba Kereke ba ile ba kolobetsa bohle ba neng ba lumela ´me ba bakile.
Ho ne ho na le litaba tse monate lefatśeng leo hobane mantsoe a baporofeta a ne a phethahalitsoe. Jesu Kreste o ne a tsoetsoe.