Khaolo ea 31

Molaoli Moroni O Hlola Zerahemna

Zerahemna, moetapele oa Ba-Lamane,o ne a batla batho ba hae ba tsoele pele ho hloea Ba-Nefi le hoba etsa makhoba a bona.

Alma 43:5,8

Ba-Nefi ba ne ba batla ho boloka lefatśe la bona le malapa a bona a lokolohile. Ba ne ba batla hape ho khumamela Molimo ka bolokolohi.

Alma 43:9

Molaoli Moroni e ne e le moetapele oa mabotho a Ba-Nefi. Ha Ba-Lamane ba tla ho tla loana, Moroni le mabatho a hae ba ile ba kopana le bona lefatśeng la Jershon.

Alma 43:15 - 16

Molaoli Moroni o ne a hlophile lebotho la hae ka libetsa, lithebe, lihlomo , le liaparo tse morumo.

Alma 43:18 - 19

Ba-Lamane ba ne ba na le lebotho le leholoanyane empa ba ne ba ts´ohile ha ba bona lihlomo tsa Ba-Nefi. Ba-Lamane ba ne ba apere liaparo tse fokolang.

Alma 43:20 - 21

Lebotho la Ba-Lamane le ne le sa qeke ho loantśa lebotho la Molaoli Moroni. Ba-Lamane ba ile ba balehela lefelleng ´me ba rera ho hlasela motse o fapaneng oa Ba-Nefi.

Alma 43:22

Moroni o ile a romela lihloela ho ea lisa Ba-Lamane. O ile a boela a kopa Alma ho rapella thuso ho Morena. Morena o ile a bolella Alma moo Ba-Lamane ba neng ba ilo hlasela.

Alma 43:23 - 24

Ha Moroni a fumana molaetsa oa Alma, o ile a siea masole a mang ho lebela Jershone ´me a tsamaisa bohle ba bang ho ea kopana le Ba-Lamane.

Alma 43:25

Masole a Molaoli Moroni a ile a ipata ka mahlakoreng ohle a noka Sidone, ba emetse ho tla etsetsa lebotho la Ba-Lamane sefi.

Alma 43:27,31-35

Ntoa e ile ea qala, ´me Ba-Lamane ba ile ba leka ho baleha ka ho tśela noka empa Ba-Nefi ba bang ba ne ba ba emetse ka mose oane ho noka.

Alma 43:36, 39- 41

Ka ho loana ka thata ho feta kamoo ba kileng ba loana pele, Zerahemna le lebotho la hae ba ile ba bolaea Ba-Nefi ba bangata. Ba-Nefi ba ile ba llela thuso ea Morena.

Alma 43:43 – 43, 49

Morena o ile a matlafatsa lebotho la Ba-Nefi. Lebotho le ile la potapota Ba-Lamane, ´me Moroni a laela hore ho loana ho emise.

Alma 43:50, 52-54

Moroni o ile a bolella Zerahemna hore Ba-Nefi ba ne ba sa batle ho bolaea Ba-Lamane kapa ho ba etsa makhoba a bona.

Alma 44:1 --3

Moroni o ile a re Ba-Lamane ba ke ke ba senya tumelo ea Ba-Nefi ho Jesu Kreste. O ile a re Molimo o tla tsoela pele ho thusa Ba-Nefi ho loana ha feela ba ntse ba tśepahala.

Alma 44:4

Moroni o ile a laela Zerahemna ho fana ka libetsa tsa hae. Ba-Lamane ba ke ke ba bolaoa ha ba ka tśepisa ho se hlole ba loantśa Ba-Nefi hape.

Alma 44:5 - 6

Zerahemna o ile a fa Moroni libetsa tsa hae empa a se ke a tśepisa ho se loane. Moroni o ile a khutlisetsa libetsa tsa Ba-Lamane ho bona hore ba tle ba itśireletse.

Alma 44:8,10

Zerahemna o ile a potlakela ho Moroni ho ea mo bolaea, empa lesole la Mo-Nefi le ile la otla ´me la roba sabole ea Zerahemna.

Alma 44:12

Eaba Lesole leo le seha letlalo la hlooho la Zerahemna, a le hloma motsung oa sabole ea hae, ´me a le phahamisetsa holimo moeeng.

Alma 44:12 - 13

Ba-Lamane ba tla oela joalo ka ha letlalo leo la hlooho le oele, a rialo, haeba ba sa nehelane ka libetsa tsa bona ´me ba ts´episa hore ba ke ke ba hlola ba loana hape.

Alma 44:14

Ba-Lamane ba bangata ba ile ba beha libetsa tsa bona maotong a Moroni ´me ba tśepisa ho se loane. Ba ile ba lokolloa.

Alma 44:15

Ka khalefo, Zerahemna o ile a hlohleletsa masole a hae a setseng ho loana. Masole a Moroni a ile a bolaea ba bangata ba bona.

Alma 44:16 - 18

Ha Zerahemna a bona hore eena le banna ba habo ba tla bolaoa, o ile a kopa Moroni ho ba lokolla. O ile a tśepisa ho se hlole a loantśa Ba-Nefi hape.

Alma 44:19

Moroni o ile a emisa ntoa ´me a nka libetsa tsa Ba-Lamane. Kamora ho tśepisa ho se loane, Ba-Lamane ba ile ba tsamaea.

Alma 44:20, 23