“Khaolo ea 17: Alma le Batho Ba Hae Ba Phonyoha,” Lipale tsa Buka ea Mormone (1997), 47–48
“Khaolo ea 17,” Lipale tsa Buka ea Mormone, 47–48
Khaolo ea 17
Alma le Batho Ba Hae Ba Phonyoha
Ka letsatsi le leng ha batho ba Alma ba ntse ba sebetsa masimong a bona, Lebotho la Ba-Lamane la tśela moeli ho kena lefatśeng la bona.
Ba-Nefi ba ne ba tśohile ´me ba balehela motseng bakeng sa tśireletso. Alma o ile a ba bolella ho hopola Molimo ´me o tla ba thusa. Ba-Nefi ba ile ba qalella ho rapela.
Morena o ile a nolofatsa lipelo tsa Ba-Lamane, ´me ha ba ea bahlokofatsa Ba-Nefi. Ba-Lamane ba ile ba lahleha ha ba ntse ba leka ho fumana batho ba Morena Limhi.
Ba-Lamane ba ile ba ts´episa Alma hore ba ke ke ba tśoenya batho ba hae ha a ka ba bolella hore na ba ka khutlela lefatśeng la bona joang. Alma o ile a ba bontśa tsela.
Empa Ba-Lamane ha ba ka ba boloka tśepiso ea bona. Ba ile ba beha balebeli ho pota lefatśe leo, ´me Alma le batho ba hae ba ne ba se ba sa lokoloha.
Morena oa Ba-Lamane o ile a etsa Amulone ´musi holima batho ba Alma. Amulone e ne e le Mo-Nefi le moprista ea khopo oa Morena Noah.
Amulone o ne a sebelisa batho ba Alma ka thata. Ba ile ba rapella thuso, empa Amulone a re motho ofe kapa ofe ea tla fumanoa a rapela o tla bolaoa. Batho ba ile ba tsoela pele ho rapella ka lipelong tsa bona.
Molimo o ile a utloa lithapelo tsa bona ´me o ile a ba matlafatsa hore mosebetsi oa bona o bonahale o le bobebe. Batho ba ne thabile ´me ba na le mamello.
Molimo o ne a thabile ke hore batho ba ne ba tletse tumelo. O ile a bolella Alma hore o tla ba thusa ho phonyoha ho Ba-Lamane.
Nakong ea bosiu batho ba ile ba bokella lijo tsa bona le liphoofolo. Hoseng ho hlahlamang Molimo o ile a robatsa Ba-Lamane ha Alma le batho ba hae ba tloha motseng oo.
Kamora ho matsatsi a leshome le metso e ´meli, batho ba ile ba fihla Zarahemla, moo Morena Mosaia le batho ba hae ba ileng ba ba amohela.