Kabanata 37
Ang Sampung Ketongin
Nagpunta si Jesus sa isang munting bayan kung saan Niya nakita ang sampung ketongin. Ang mga ketongin ay mga taong maysakit. Ang sakit nila ang dahilan kaya sugat-sugat ang buong katawan nila.
Hindi matulungan ng mga doktor ang mga ketongin. Takot lumapit sa kanila ang mga tao. Ayaw nilang mahawa sa sakit.
Hiniling ng mga ketongin na pagalingin sila ni Jesus. Alam nila na mapapagaling Niya ang kanilang mga sugat.
Gusto silang pagalingin ni Jesus. Sinabi Niya sa kanila na humayo at ipakita ang kanilang sarili sa mga saserdote.
Sa daan papunta sa mga saserdote, gumaling ang sampung ketongin. Naglaho ang kanilang mga sugat.
Alam ng isa sa mga ketongin na pinagaling sila ni Jesus. Bumalik siya para pasalamatan Siya. Tinanong ni Jesus kung nasaan ang siyam pang ketongin. Hindi sila nagsibalik. Sinabi ni Jesus sa ketonging nagpasalamat sa Kanya na ang pananampalataya nito ang nagpagaling sa kanya.