Kabanata 55

Pinamunuan ng mga Apostol ang Simbahan

Matapos mabuhay na mag-uli, nanatili si Jesus sa piling ng Kanyang mga Apostol nang 40 araw. Tinuruan Niya sila ng maraming bagay tungkol sa ebanghelyo at sa Kanyang Simbahan.

Ang Mga Gawa 1:1–3

Sinabi Niya sa kanila na ituro ang ebanghelyo sa lahat ng tao. Sinabi rin Niya na malapit na Niya silang lisanin, pero darating ang Espiritu Santo para tulungan sila.

Ang Mga Gawa 1:4–8

Minasdan ng mga Apostol ang pag-akyat ni Jesus sa langit. Sinabi ng dalawang anghel na nakaputi sa mga Apostol na babalik si Jesus mula sa langit balang araw.

Ang Mga Gawa 1:9–11

Mga Apostol na ngayon ang mga pinuno ng Simbahan ni Jesucristo sa daigdig. Si Pedro ang Pangulo, at sina Santiago at Juan ang kanyang mga tagapayo.

Mateo 16:18–19; Doktrina at mga Tipan 81:1–2; Jesus the Christ, 219–20

Labing-isa lamang ang mga Apostol—patay na si Judas. Sinabi ng Ama sa Langit sa mga Apostol na piliin si Matias na maging isa sa Labindalawang Apostol. Lahat ng Apostol ay may espesyal na tungkulin sa priesthood.

Mateo 27:3–5; Ang Mga Gawa 1:15–17, 21–26; Doktrina at mga Tipan 102:8

Sumampalataya ang mga Apostol at iba pang mga disipulo sa Panginoon. Sinunod nila ang Kanyang mga utos. Mahal nila ang isa’t isa.

Ang Mga Gawa 2:41–47

Sa taglay na priesthood at kapangyarihan ng Espiritu Santo, maraming magagawa ang mga Apostol. Pinagaling nila ang mga maysakit at naging mga misyonero. Nagturo sila tungkol kay Jesucristo at sa Kanyang ebanghelyo. Maraming taong naniwala sa mga salita ng mga Apostol at sumapi sa Simbahan. Ang mga miyembro ng Simbahan ay tinawag na mga Banal.

Ang Mga Gawa 2:2–4, 32–33, 36–43, 47; 3:1–8; Mga Taga Roma 1:7