Kabanata 9
Ang Batang si Jesus
Si Jesus ay lumaki sa bayan ng Nazaret. Maraming bagay Siyang natutuhan at “[lumakas], … at sumasa kaniya ang biyaya ng Dios.”
Noong 12 taon na si Jesus, sumama Siya kina Jose at Maria sa isang grupo ng mga tao sa isang pagdiriwang sa Jerusalem. Nanatili sila roon nang ilang araw.
Pag-uwi nina Jose at Maria, akala nila sumabay si Jesus sa Kanyang mga kaibigan pabalik sa Nazaret. Pero nanatili si Jesus sa Jerusalem.
Nang hanapin nina Jose at Maria si Jesus, hindi nila Siya makita. Wala sa kanilang grupo ang nakakita sa Kanya. Kaya bumalik sina Jose at Maria sa Jerusalem. Tatlong araw nilang hinanap si Jesus. Lungkot na lungkot sila.
Sa wakas natagpuan nila si Jesus sa templo, kausap ang ilang guro. Sinasagot Niya ang mga tanong nila. Nagulat ang mga guro sa dami ng nalalaman ni Jesus.
Lucas 2:46–47 (tingnan sa footnote 46c)
Sinabi ni Maria kay Jesus na nag-alala sila ni Jose sa Kanya. Sumagot si Jesus na ginagawa Niya ang gawain ng Kanyang Ama—gawain ng Diyos. Hindi iyon naintindihan nina Jose at Maria.
Umuwi si Jesus sa Nazaret kasama sina Jose at Maria at sinunod Niya sila.
Mas lalo pang natutuhan ni Jesus ang gawain ng Kanyang Ama sa Langit.
Lumaki Siyang matangkad at malakas.
Minahal Siya ng mga tao. Ginawa Niya ang gusto ng Diyos na gawin Niya.
Mahal Siya ng Diyos.