Kabanata 46: Ang Ikalawang Pagparito

His disciples ask Jesus when the wicked would be destroyed - ch.46-1

Nasa Bundok ng mga Olivo si Jesus. May ilang bagay na gustong itanong ang mga disipulo kay Jesus. Itinanong nila kung kailan mapupuksa ang masasama. Gusto rin nilang malaman kung kailan muling paparito si Jesus.

Mateo 24:3; Joseph Smith—Mateo 1:4

False prophets try to lead the people astray - ch.46-2

Sinabi sa kanila ni Jesus na bago ang Kanyang Ikalawang Pagparito, sasabihin ng mga huwad na propeta na sila ang Cristo. Maraming taong susunod sa kanila. Pero kung sinusunod ng Kanyang mga alagad ang Kanyang mga salita, hindi sila malilinlang ng mga huwad na propeta. Maliligtas sila.

Mateo 24:4–5, 24–27; Marcos 13:21–22; Joseph Smith—Mateo 1:21–22, 37

Before the Second Coming there will be earthquakes - ch.46-3

Sinabi rin ni Jesus na bago Siya muling pumarito, magkakaroon ng maraming digmaan, taggutom, malulubhang sakit, at lindol. Maraming taong titigil sa pagtulong sa iba at magiging masama.

Doktrina at mga Tipan 45:16, 26–27, 31–32; Joseph Smith—Mateo 1:23, 28–30

The missionaries will preach the gospel, but many people will not listen - ch.46-4

Ang ebanghelyo ay ipapangaral sa buong mundo, pero maraming hindi makikinig.

Doktrina at mga Tipan 45:28–29; Joseph Smith—Mateo 1:31

Prior to the Second Coming the sun will be darkened, the moon will not shine, and the stars will fall from heaven - ch.46-5

Magdidilim ang araw, hindi magliliwanag ang buwan, at malalaglag ang mga bituin sa langit.

Mateo 24:29; Marcos 13:24–25; Joseph Smith—Mateo 1:33

The righteous see Jesus coming down from the clouds - ch.46-6

Kapag muling pumarito si Jesucristo, makikita Siya ng mga tao na bumababa mula sa mga ulap nang may kapangyarihan at dakilang kaluwalhatian. Isusugo Niya ang Kanyang mga anghel para pagsama-samahin ang mabubuting tao.

Mateo 24:30–31; Marcos 13:26–27; Joseph Smith—Mateo 1:36–37

A family prepares for the Second Coming by learning about Christ - The parents and children sit and listen to one of the children showing a data-poster of Jesus and the children - ch.46-7

Makakapaghanda tayo para sa Ikalawang Pagparito sa paggawa ng tama. Kapag nakita natin ang mga palatandaang ipinangako ni Jesus, malalaman natin na malapit na ang pagdating ng Tagapagligtas. Walang nakakaalam kung kailan talaga muling paparito si Jesus. Kung handa tayo, makakapiling natin Siya.

Mateo 24:44; Lucas 21:36; Joseph Smith—Mateo 1:39–40