Kabanata 5: Isinilang si Jesucristo

A decree is read that everyone must pay taxes - ch.5-1

Gumawa ng batas ang emperador ng mga Romano na lahat ay dapat magbayad ng buwis. Sina Jose at Maria ay nakatira sa Nazaret. Naglakbay sila nang 65 milya (105 km) papuntang Betlehem para magbayad ng buwis.

Lucas 2:1–5

Mary and Joseph travel to Bethlehem - ch.5-2

Hindi madali para kay Maria ang maglakbay papuntang Betlehem. Malapit na siyang manganak.

Lucas 2:4–5

Mary and Joseph are turned away from an inn in Bethlehem - ch.5-3

Pagdating nina Jose at Maria sa Betlehem, lahat ng silid ay puno ng mga tao. Kinailangang tumigil nina Maria at Jose sa isang kuwadra. Ang kuwadra ay isang lugar para sa mga hayop.

Lucas 2:6–7

Joseph, Mary and the baby Jesus in a manger - ch.5-4

Doon isinilang ang sanggol. Ibinalot Siya ni Maria sa lampin at inihiga Siya sa sabsaban. Pinangalanan nina Jose at Maria ang sanggol ng Jesus.

Lucas 2:7, 21

An angel announces the birth of Christ to the shepherds - ch.5-5

Noong gabing isilang si Jesus, inaalagaan ng mga pastol ang mga tupa sa parang malapit sa Betlehem. Nagpakita sa kanila ang isang anghel. Natakot ang mga pastol.

Lucas 2:8–9

An angel announces the birth of Christ to the shepherds - ch.5-6

Sinabihan sila ng anghel na huwag matakot. May magandang balita itong hatid: Ang Tagapagligtas, si Jesucristo, ay isinilang sa Betlehem. Matatagpuan nila Siya na nakahiga sa isang sabsaban.

Lucas 2:10–12

The shepherds gather around the baby Jesus - ch.5-7

Nagpunta ang mga pastol sa Betlehem, kung saan nila nakita ang sanggol na si Jesus.

Lucas 2:15–16

The shepherds tell others about Christ's birth - ch.5-8

Masaya ang mga pastol na makita ang Tagapagligtas. Ikinuwento nila sa ibang mga tao ang lahat ng narinig at nakita nila.

Lucas 2:17, 20