Kabanata 23
Ang Lalaking Hindi Makalakad
Isang araw tinuturuan ni Jesus ang isang grupo ng mga tao sa isang bahay.
Dinala ng ilang lalaki ang kaibigan nila sa isang higaan para makita si Jesus. Hindi makalakad ang kaibigan nila. Hindi siya maipasok ng mga lalaki sa bahay dahil sa dami ng tao.
Iniakyat ng mga lalaki ang kaibigan nila sa bubong. Tinuklap nila ang bahagi ng bubong at ibinaba ang kaibigan nila sa loob ng bahay.
Nang makita Niya ang malaking pananampalataya ng mga lalaking ito, sinabi ni Jesus sa lalaking maysakit na pinatatawad na ang kanyang mga kasalanan. Sinabihan Niya ito na damputin ang kanyang higaan at umuwi na. Tumayo ang lalaki. Napagaling siya. Dinampot niya ang kanyang higaan at lumakad pauwi. Napakalaki ng pasasalamat niya sa Diyos.