Kabanata 61: Sina Pablo at Silas sa Bilangguan

A girl with an evil spirit in her sits on the ground. People pay money to hear her speak. - ch.61-1

Isang batang babae ang sinaniban ng masamang espiritu. Gustong marinig ng mga tao ang sinasabi ng masamang espiritu sa pamamagitan niya. Binayaran nila ang mga lalaking pinagtatrabahuhan niya para marinig nilang magsalita ang masamang espiritu.

Ang Mga Gawa 16:16

Paul and Silas cast the evil spirit out of the girl and the men who earn money with her are angry. - ch.61-2

Tuwing daraan sina Pablo at Silas, sinusundan sila ng bata. Habang nakasunod, nagsalita ang masamang espiritu. Isang araw inutusan ni Pablo ang masamang espiritu na lisanin ang bata. Lumisan nga ito. Nagalit ang mga lalaking pinagtatrabahuhan niya. Ngayo’y hindi na sila magkakapera.

Ang Mga Gawa 16:17–19

The angry men take Paul and Silas to the leaders of the city. - ch.61-3

Dinala ng mga lalaki sina Pablo at Silas sa mga pinuno ng bayan. Sabi nila nanggugulo raw sina Pablo at Silas.

Ang Mga Gawa 16:19–22

Paul and Silas are whipped and put in prison. - ch.61-4

Pinalatigo ng mga pinuno sina Pablo at Silas at ibinilanggo.

Ang Mga Gawa 16:22–24

Paul and Silas pray and sing hymns. The prison shakes and the doors open. - ch.61-5

Noong gabing iyon nanalangin at kumanta ng mga himno sina Pablo at Silas sa Ama sa Langit. Narinig sila ng lahat ng nasa bilangguan. Maya-maya’y nagsimulang yumanig ang lupa. Nabuksan ang mga pintuan ng bilangguan.

Ang Mga Gawa 16:25–26

The prison guard finds Silas and Paul still in the prison. He asks them how he can be saved. - ch.61-6

Nagising ang bantay at nakitang bukas ang mga pintuan. Akala niya nakatakas ang mga bilanggo. Sinabihan ni Pablo ang bantay na huwag mag-alala. Naroon pang lahat ang mga bilanggo. Lumuhod ang bantay sa tabi nina Pablo at Silas at tinanong kung paano siya maliligtas.

Ang Mga Gawa 16:27–30

The prison guard is baptized along with his family. - ch.61-7

Tinuruan nina Pablo at Silas ng ebanghelyo ang bantay at pamilya nito. Noong gabing iyon nabinyagan ang bantay at pamilya nito.

Ang Mga Gawa 16:31–33

Paul and Silas are set free from the prison. - ch.61-8

Kinabukasan pinalaya ng mga pinuno ng bayan sina Pablo at Silas. Nagpunta sa ibang bayan sina Pablo at Silas para gumawa pa ng gawaing misyonero.

Ang Mga Gawa 16:35–40