Kabanata 16
Tumakas si Haring Limhi at ang Kanyang mga Tao
Hinuli ng mga Lamanita ang karamihan sa Nephita na hindi tumakas kasama ni Haring Noe. Dinala sila ng mga Lamanita at binigyan sila ng lupa ngunit pinagbayad sila ng mataas na buwis.
Ginawa ng mga Nephita si Limhi na bago nilang hari. Si Limhi ay anak ni Haring Noe, ngunit hindi siya masama katulad ng kanyang ama. Isa siyang mabuting tao.
Tinangka ni Haring Limhi na makipagkasundo sa mga Lamanita, ngunit patuloy nilang binantayan ang mga Nephita at pinagmalupitan sila.
Isang araw may nakitang mga dayuhan si Haring Limhi sa labas ng lungsod. Ipinakulong niya sila. Ang mga dayuhan ay mga Nephita mula sa Zarahemla.
Ang kanilang pinuno ay nagngangalang Ammon. Masaya si Haring Limhi na makita siya. Alam niyang makatutulong si Ammon sa kanyang mga tao na makatakas mula sa mga Lamanita.
Tinipon ni Haring Limhi ang kanyang mga tao. Pinaalalahanan niya sila na ang kanilang kasamaan ang dahilan kung bakit sila pinipigilan ng mga Lamanita.
Sinabi niya sa kanyang mga tao na magsisi, magtiwala sa Diyos, at sumunod sa mga kautusan. Pagkatapos ay tutulungan sila ng Diyos na makatakas.
Nalaman ng mga Nephita na ang mga Lamanita na nagbabantay sa lungsod ay karaniwang lasing sa gabi.
Nang gabing iyon, nagpadala ng karagdagang alak si Haring Limhi sa mga bantay bilang regalo.
Nakaraan sina Haring Limhi at ang kanyang mga tao sa lasing na mga bantay at nakatakas.
Ginabayan ni Ammon si Haring Limhi at ang kanyang mga tao sa ilang patungo sa Zarahemla, kung saan sila ay malugod na tinanggap.